Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Ингилабынын Бөjүк Рәһбәри вурғулаjыблар ки, Иранын нүвә мүзакирәләри чәрчивәсиндә Гәрбин саботажларына реаксиjасы сәрт олаҹаг.
Ислам Ингилабынын Бөjүк Рәһбәри Һәзрәт Аjәтуллаһулузма Хаменеи бу ҝүн Имам Һүсеjн(ә) университетинин пасдарлары гаршысында нүвә мүзакиәрләри мөвзусуна тохунараг, әлавә едибләр: Иран Ислам Республикасы әҹнәбиләрә өз һәрби мәркәзләриндән һеч бир тәфтиш иҹазәси вермәjәҹәк.
Ислам Ингилабынын Бөjүк Рәһбәри гәрблиләрин Иранын нүвә алимләри илә мүсаһибә үзрә истәкләрини истинтаг адландырараг, вурғулаjыблар: Биз нүвә вә һәр бир диҝәр мүһүм саһәнин алимләринә һөрмәтсизлик едилмәсинә иҹазә вермәjәҹәjик.
Һәзрәт Аjәтуллаһулузма Хаменеи сөjләjибләр: Бу меjданда шүҹаәтлә һәрәкәт едән Иран Ислам Республикасы рәсмиләри билсинләр ки, кобуд дүшмән илә jеҝанә мүбаризә jолу, зәифлик ҝөстәрмәмәк вә әзмкарлыгдыр. Онлар мүзакирәләрдә Иран халгынын мүраҹиәти вә әзәмәтини ҝөстәрә билмәлидирләр.
О һәзрәт сонра билдирибләр ки, дүшмәнләр Фарс Көрфәзи реҝионундакы бәзи сәфеһ мәсул шәхсләрлә jанашы, васитәчи мүһарибәләрини Иран сәрһәдләринә чәкиб ҝәтирмәк ниjjәтиндәдирләр. О һәзрәт әлавә едибләр: Ислам Ингилабы кешикчиләри вә милли тәһлүкәсизлик мүһитинин бүтүн кешикчиләри аjыг-саjыгдырлар вә әҝәр Ирана гаршы саботаж төрәдиләрсә, Иранын реаксиjасы олдугҹа сәрт олаҹагдыр.
Диггәт: Хәбәрдән истифадә етдикдә мәнбәjә истинад лазымдыр
