Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Кәрамәт Онҝүнлүјүнүн мүбарәк ҝүнләринә тәсадүф едән “Әһли-Бејт (ә) Медиасынын Равиләри”нин үчүнҹү бејнәлхалг конфрансы бу ҹүмә ахшамы, сәһәри, 01 мај 2025 тарихдә, Гум шәһәриндә, Әһли-Бејт (ә) Үмумдүнја Ассамблеја залында, Ирандан олан фәаллар вә африкалы зијалыларын иштиракы илә кечирилди.
Әһли-Бејт (әлејһимус сәлам) Бејнәлхалг Хәбәр Аҝентлијинин (АБНА) тәшәббүсү илә кечирилән топлантыда Әһли-Бејт (әлејһимус сәлам) Үмумдүнја Ассамблејасынын баш катиби Ајәтуллаһ Рза Рамазани, Кибермәканын Али Шурасынын катиби вә өлкәнин Милли Кибермәкан Мәркәзинин рәһбәри Др. Сејид Мәһәммәд Әмин Ағамири, Гум вилајәтинин Мәдәнијјәт вә Ислами Иршад үзрә јени баш директору Мәһәммәд Рза Сугәнди вә Әһли-Бејт (ә) Үмумдүнја Ассамблејасынын диҝәр әлагәдар гурумларынын бир груп мүавинләри вә директорлары, еләҹә дә Африка гитәсиндән олан профессорлар, хүсуси гонаглар кими иштирак етдиләр.
Бу мәрасимин әввәлиндә Әһли-Бејт (ә) Хәбәр Аҝентлијинин (АБНА) суаһили вә һауса дилиндә фәалијјәт ҝөстәрән интернет сајтларынын редакторлары гонаглары саламлајараг, Әһли-Бејт (ә) медиа равиләринин африкалы фәалларын иштиракы илә баш тутан иҹласы үнсијјәт, әмәкдашлыг вә синержи үчүн јени башланғыҹ кими гијмәтләндирибләр. Даһа сонра мәрасимдә Ниҝерија Ислами Һәрәкатынын лидери Һөҹҹәтүлислам Вәл-Мүслимин Шејх Ибраһим Зәкзакинин видео мүраҹиәти дә јајымланыб.
Sizin rəyiniz