Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Өтән ҝүн 13.04.2025-ҹи ил тарихдә (базар ертәси) ҝүнорта саатларында Иран Ислам Республикасы Силаһлы Гүввәләринин бир груп командири јени ил мүнасибәтилә Али Баш Командан Һәзрәт Ајәтуллаһ Хаменеи илә ҝөрүш кечирди.
Бу ҝөрүшдә Али Баш Командан Ајәтуллаһ Хаменеи өлкә үчүн һәртәрәфли һазырлығын зәрурилијини гејд етди:
"Силаһлы Гүввәләр өлкәнин галасы вә халгын һәр бир тәҹавүзкара гаршы сығынаҹағыдыр. Бу милли вәзифәни јеринә јетирмәк үчүн максимал һазырлыг, һәм сәрт (һәрби-техники), һәм дә јумшаг (идеоложи, психоложи) мүдафиә васитәләри даими шәкилдә ҝүҹләндирилмәлидир".
"Өлкәнин инкишафы Иранын дүшмәнләрини гәзәбләндириб вә чашгын вәзијјәтә салыб",– дејә о Һәзрәт бујурду.
Ингилаб Рәһбәри дүшмәнин гәзәбинин әсас сәбәбини белә вурғулады:
"Ислами вә мүстәгил варлыг кими Ислам Республикасынын мөвҹудлуғу дүшмәнчиликләрин сәбәбидир. Бир өлкәнин мүсәлман, мүстәгил вә кимлик саһиби олмаг истәмәси, өз иззәти үчүн башгаларына архаланмамасы дүшмәнләри гәзәбләндирән әсас амилдир".
О Һәзрәт дүшмәнин етдији иддианы чашгынлыға ҝөрә олдуғуну билдирди:
"Сизин ешитдијиниз бу һај-күјләрин чоху дүшмән медиасында јајымланыр вә онларын чашгынлығындан ирәли ҝәлир. Башга чарәләри јохдур. Елә иддиалар да ирәли сүрүрләр ки, һәгигәтлә һеч бир әлагәси јохдур. Онлар арзуларыны һәгигәт кими, хәбәр формасында тәгдим едирләр, һалбуки һадисәләрин әсл маһијјәти тамам башгадыр".
Ингилаб Рәһбәри һансы ордуларым тарих боју мәғлубијјәтә дүчар олдуғуну белә гејд етди:
"Јәгин, иман, ирадә, шүҹаәт вә Аллаһа тәвәккүл Силаһлы Гүввәләрдә ән јүксәк сәвијјәдә мөвҹуд олмалыдыр. Чүнки тарих боју бу хүсусијјәтләрә малик олмајан дәбдәбәли ордулар мәғлубијјәтә уғрајыблар".
Даһа сонра о Һәзрәт Иранын мүхтәлиф саһәләрдә инкишаф етдијини бујурду:
"Бу ҝүн өлкә һәрби-техники бахымдан кечмишә нисбәтән хејли ирәлидәдир. Јумшаг саһәдә дә бөјүк ирәлиләјиш әлдә олунуб. Бунун бариз нүмунәси мүбаризә мејданларында иштирак үчүн јүзләрлә, минләрлә ҝәнҹин тәсвирәҝәлмәз һәвәс вә ҹошгусудур".
"Силаһлы Гүввәләрин максимал һазырлыг вәзијјәти горунуб сахланылмалыдыр",– дејә Ингилаб Рәһбәри вурғулады.
Sizin rəyiniz