Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Гәзза Сәһијјә Назирлији елан едиб: Сон 24 саат әрзиндә 29 шәһид вә 51 јаралы Гәзза золағындакы хәстәханалара јерләшдирилиб.
Сәма-нын рапортуна ҝөрә, назирлик Гәзза мүһарибәсиндә шәһидләрин сајынын 48 мин 572, јаралы сајынын исә 112 мин 320 нәфәрә чатдығыны ачыглајыб.
Шәнбә ҝүнү Исраи фашист режимин пилотсуз тәјјарәсинин Гәзза золағынын шималындакы Бејт Лаһиа бөлҝәсинә һүҹуму нәтиҹәсиндә 9 фәләстинли шәһид олуб.
Гејд едәк ки, Гәззада атәшкәс башлајандан бәри ушаг гатили сионист террор режими атәшкәс режимини дәфәләрлә позуб.
Гәзза золағында атәшкәс јанварын 19-дан гүввәјә миниб. Атәшкәс разылашмасы үч мәрһәләдән ибарәтдир.
Гәззада 42 ҝүн давам едән атәшкәс разылашмасынын биринҹи мәрһәләси сона чатды. Јәһуди фашист режиминин сүрүндүрмәчилији вә Бенјамин Нетанјаһу һөкумәтинин мәсулијјәтдән јајынма сәјләри сәбәбиндән разылашма икинҹи мәрһәләјә кечирилмәди.
Мүһарибә һәлә бәрпа олунмајыб, лакин јәһуди ганичән режими Гәззаја бүтүн һуманитар јардымлары дајандырыб. Гәззада әһалинин 90%-и, тәхминән 1,9 милјон фәләстинли мүһарибә сәбәбилә көчкүн дүшүб вә Гәзза аҹлыгла вә сусузлугла үз-үзәдир.
Нетанјаһу, гаршылығында һеч бир шеј тәклиф етмәдән даһа чох исраилли мәһбусу азад етмәк үчүн разылашманын биринҹи мәрһәләсини узатмаг истәјир. Лакин ҺӘМАС данышыгларын икинҹи мәрһәләсинә, о ҹүмләдән мүһарибәјә сон гојулмасы вә јәһуди ишғалчыларынын Гәзздан һәртәрәфли ҝери чәкилмәсинин зәрурилијинә исрар едир. Мәһз бундан сонра Гәзза золағынын јенидән гурулмасыны әһатә едән үчүнҹү мәрһәлә башлаја биләр.
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz