Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: БМТ-нин ишғал олунмуш Фәләстин әразиләриндә инсан һаглары үзрә хүсуси мәрузәчиси Франҹесҹа Албанесе Әл-Ҹәзирә телеканалына вердији мүсаһибәсиндә вурғулајыб: “Исраил Фәләстин торпагларынын галыгларына нәзарәт етмәјә чалышыр.”
О, Иордан чајынын гәрб саһилиндә баш верән сон һадисәләрә тохунараг дејиб: "Исраилин бу бөлҝәдә ҝөрдүјү иш, даһа әввәл Гәззада истифадә етдији үсулдур".
Албанесенин сөзләринә ҝөрә, Иордан чајынын гәрб саһилинин сакинләри Гәзза әһалисинин јашадығы ејни сәвијјәдә зоракылыг вә репрессија илә үзләширләр.
О, Исраилин сијасәтләринин һәјата кечирилмәси үчүн һәр һансы һәрби әмәлијјатларына бәраәт газандырмағы рәдд едәрәк билдириб: “Инсанларын суја чыхышынын гаршысыны алмаг үчүн һеч бир һәрби мүдахиләјә сәбәб јохдур”.
БМТ-нин хүсуси мәрузәчиси һәмчинин вурғулајыб: Иордан чајынын гәрб саһилиндә вә Шәрги Гүдсдә милитаризасијаја да еһтијаҹ јохдур.
О, фашист Исраил режиминин һәрәкәтләрини бејнәлхалг һүгугун ачыг шәкилдә позулмасы һесаб едиб вә ушаг гатили олан сионист режими бејнәлхалг һүгуг чәрчивәсиндә өз өһдәликләринә әмәл етмәјә чағырыб.
Албанесе һәмчинин хәбәрдарлыг едиб ки, гејри-легал Исраил режими Фәләстин халгыны дини өһдәликләриндән вә ибадәтләриндән мәһрум етмәмәлидир.
БМТ рәсмиси Фәләстинин Исраил ишғалына мүнасибәтинә тохунараг дејиб: Фәләстинлиләр һәм мүгавимәт јолуну сынадылар, һәм дә бејнәлхалг тәшкилатлара мүраҹиәт етдиләр.
О, сонда бејнәлхалг иҹтимаијјәти Исраилин тәҹавүзүнү дајандыра билмәмәкдә ҝүнаһландырыб вә бу һәрәкәтләрин давам етмәсинин гаршысыны алмаг үчүн тәҹили тәдбирләр ҝөрмәјә чағырыб.
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz