Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ливан әсилли Америка вәтәндашы вә мүртәд Салман Рүшдини өлдүрмәјә ҹәһддә тәгсирләндирилән Һади Матар базар ертәси, февралын 10-да Нју-Јоркун Шатокуа Рајон Мәһкәмәсиндә чыхыш едиб.
Бу мәһкәмә Һади Матарын терроризм иттиһамы илә бағлы кечирилән федерал мәһкәмәсндән ајры олан бир мәһкәмә просесидир.
Шатокуа мәһкәмәси иҹласынын әввәлиндә сәдрлик едән һаким Давид Фолеј елан едиб ки, Һади Матарын вәкили Натаниел Барронун иҹласын тәхирә салынмасы тәләби рәдд едилиб вә һазырда хәстәханада олан Барронун јеринә онун көмәкчиси илкин мүдафиәни тәгдим едә биләр.
27 јашлы Һади Матар өзүнү тәгсирли билмәјиб вә базар ертәси камералар гаршысында ики дәфә “Фәләстини Азад Един!” гышгырыб. О, 1402-ҹи илин Мордад (2022-ҹи илин августун) ајында шәһәрин ејниадлы тәһсил мүәссисәси олан Шатокуа Институтунда чыхышынын әввәлиндә Салман Рүшдијә һүҹум етмәкдә вә бир сыра бычаг зәрбәләри илә ону өлдүрмәјә ҹәһд етмәкдә ҝүнаһландырылыр.
Салман Рүшди һүҹумда бир ҝөзүнү вә бир әлини ҝөрмә габилијјәтини итириб. Шатокуа мәһкәмәси инди прокурорларын ифадәләрини вә шаһид ифадәләрини динләмәјә һәср олунуб. Просесин једди илә 10 ҝүн арасында давам едәҹәји ҝөзләнилир.
77 јашлы Салман Рүшдинин дә ифадә вермәк үчүн мәһкәмә иҹласларындан биринә ҝәлмәси планлашдырылыр. Бу, Салман Рүшдинин ики ил әввәлки һүҹумдан сонра Һади Матарла илк үз-үзә ҝөрүшү олаҹаг.
Бу иш үзрә мәһкәмә просеси февралын 5-дә жүри үзвләринин сечилмәси илә башлајыб вә базар ертәси кечирилән иҹлас илк мәһкәмә иҹласы һесаб олунур. Иҹласда Шатокуа рајон прокурору Ҹејсон Шмидт ики ил әввәлки һүҹумун тәфәррүатларыны ачыглајыб вә билдириб ки, мүттәһим сәһнәнин пилләкәнләрини сүрәтлә галхыб, тәхминән 30 фут гачыб вә илк бычаг зәрбәсини ендирәндә Салман Рүшди о гәдәр шока дүшүб ки, јериндән тәрпәнмәјиб.
Прокурор јана-јана әлини Һади Мәтәрә ишарә едәрәк әлавә едиб: “Бу адам һеч бир тәрәддүд етмәдән вә чәкинмәдән бычағы тәкрар-тәкрар ҝүҹлү вә сүрәтли зәрбәләрлә ҹәнаб Рүшдинин үзәринә ендирди; Башына, боғазына, мәдәсинә, будуна вә өзүнү горумаг үчүн галдырдығы әлинә.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
