Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Шејх әл-Кә`би, Үмүмдүнја Мүсәлманларынын Али Лидери Ајәтуллаһ Сејјид Әли Хаменеинин вердији дәстәјини вә апардығы лидерлијини тәрифләмәклә јанашы, Ислами Мүгавимәт Охуну Әл-Әгса Фыртынасы әмәлијјатынын галиби елан едиб вә ҝәләҹәкдә Сурија вә диҝәр бөлҝәләрин дә бу Оха гошулаҹағына әминлијини билдириб.
Әл-Нүҹәба Ислами Мүгавимәт Һәракатынын Ирандакы нүмајәндәлијинин интернет сајтына истинадән хәбәр верилир ки, Ирагын Әл-Нүҹәба Ислами Мүгавимәт Һәрәкатынын Баш Катиби Шејх Әкрәм әл-Кә`би видеомүраҹиәтиндә дүнјанын Гәзза, Ливан, Јәмән вә Ирагы әһатә едән Иран Ислам Республикасынын рәһбәрлик етдији Ислами Мүгавимәт Охуну башда олмагла дүнјанын бүтүн азадлыгсевәрләрини Фәләстин мүгавимәтинин Әгса Туфаны әмәлијјатында газандығы гәләбә мүнасибәтилә тәбрик едиб вә бүтүн Ислами Мүгавимәт дөјүшчүләрини саламлајыб.
Шејх әл-Кә`би вурғулајараг билдириб: “Гәззада атәшкәсдән сонра әмәлијјатларымызы дајандырдыг. Лакин дүшмән јенидән тәҹавүзә башласа, биз јенидән дөјүш мејданына гајыдаҹајыг”.
О, “Ислам дүнјасынын ән мүһүм мәсәләси олан Гүдсдән һеч вахт имтина етмәјәҹәјик” дејәрәк вурғулајыб.
Имам Хаменеинин ҹәсарәтли рәһбәрлијинә вә Иран Ингилабы Кешикчиләри Корпусунун дәстәјинә ҝөрә миннәтдарлығыны билдирән әл-Кә`би әлавә едиб: “Биз һәмчинин мүгавимәтин унудулмаз вә алимәгамлы шәһидләринә дә һөрмәтлә јад етмәлијик; Сејид Һәсән Нәсруллаһ, Исмајыл Һанијә, Јәһја әс-Синвар вә Гүдс јолунун Ираг шәһидләри Әбу Тәгва вә Әбу Багир (Аллаһ Тәала Онларын һамысындан разы олсун). Бундан әлавә, биз Ислами Мүгавимәтин јанында дуран Ирагын нәҹиб гәбиләләрини дә тәгдир едирик”.
Ираг Мүгавимәт Координасија Комитәсинин катиби бу әфсанәви мүгавимәтин мәктәбләрдә тәһсил програмларына салынмалы вә тәлим верилмәли олдуғуну вурғулајараг билдириб: “Биз даһа ҝүҹлү вә гәләб газанан олмушуг. Лексиконумузда зәифлик вә ҝери чәкилмә кими мәфһумлар мәнасыздыр вә биз Гүдсүн реҝионал хәритәдән силинмәсинә имкан вермәјәҹәјик”.
Әл-Кә`би бир даһа вурғулајыб: “Мүгавимәт Охунун гүдрәти Уҹа Аллаһдан ҝәлир вә артмагда давам едир. Охумузун артан бирлијинә вә ҝүҹүнә архаланырыг вә Бирләшмиш Милләтләр Тәшкилаты вә ја Әрәб Лигасы кими гурумлара еһтијаҹымыз јохдур".
ҺАМАС-ла фашист Исрал режими арасында васитәчилик едән һөкумәтләрин Фәләстин халгынын гәләбәсинә төһфә вермәси фикрини рәдд едән әл-Кә`би бир даһа гејд едиб: “Онлар јалныз сионист режимини тарихи мәғлубијјәтдән хилас етмәк үчүн васитәчилик етдиләр. Ислам милләти дәрк етмәлидир ки, бизим талејимиз өз әлимиздәдир. Фәләстин халгынын вә Мүгавимәт Охунун севинҹи, сионистләрин кәдәри илә бирликдә, ачыг-ашкар һәгиги галибијјәтә дәлаләт едир. Бөјүк командирләримизи итирсәк дә, бу дөјүшү Гүдрәт вә Зәфәрлә баша вурдуг”.
Баш катиб даһа сонра билдириб: “Бирләшмиш Штатлар һуманитар јардым ады алтында Гәзза золағынын саһилиндә үзән лиман тикди. Онун әсас мәгсәди сионист мәһбуслар һаггында мәлумат топламаг үчүн ҹасуслуг иди. Беләликлә, бәзи сионист мәһбуслар әмәлијјатла азад едилдикдән сонра бу үзән лиман дәрһал сөкүлдү”.
Әл-Кә`би Гәззәдәки сојгырымы вә Ливанда баш верән пејҹер гурғуларынын партладылмасыны гондарма ИШИД террорчу үнсүрләрин ҹинајәтләриндән даһа бетәр вә әсл дәһшәтли Һолокост кими гијмәтләндирәрәк билдириб: “Авропалылар бүтүн бу ҹинајәтләрдә шәрикдирләр, чүнки сионистләри Фәләстиндә мәскунлашдыран вә онлара даим дәстәк верәнләр мәһз авропалылардыр”.
О, даһа сонра Суријадакы һадисәләрә тохунараг вурғулајыб: “Мүгавимәт Охунун Суријаны итирдијини дүшүнәнләр, Аллаһын изни илә һәм Суријанын, һәм дә диҝәр бөлҝәләрин Мүгавимәт Охуна гошулаҹағыны ҝөрмәк үчүн бир аз даһа ҝөзләсинләр”.
Әл-Кәаби видеомүраҹиәтинин башга бир һиссәсиндә бунлары ачыглајыб: “Бизим мәлуматымыз вар ки, сионистләр нөвбәти террор әмәлијјатлары вә суи-гәсдләр планлашдырырлар. Буна ҝөрә дә гүввәләримиз үч сәвијјәдә һазырлашмалыдыр:
“1-Дүшмәнин сызмасынын гаршысыны алмаг үчүн дахили тәһлүкәсизлијин ҝүҹләндирилмәси.
2-Кәшфијјат вә тәһлүкәсизлик тәдбирләри васитәсилә габаглајыҹы вә чәкиндириҹи имканларын артырылмасы.
3-Медиа стратеҝијалары илә дүшмәнлә мүбаризә”.
Сонда, әл-Кә`би АБШ тәрәфиндән Ирагын ишғал едимәси мәсәләсинә тохунараг вурғулајыб: “Разылашдырылмыш ҝери чәкилмә ҹәдвәлиндән сонра америкалылар Һәрир базасыны бошалтдылар вә гүввәләрини Ајн әл-Әсәддән гисмән ҝери чәкдиләр. Лакин Суријадакы һадисәләрдән сонра онлар Ирагдакы варлыгларыны јенидән ҝүҹләндирмәјә башлајыблар. Онлар билмәлидирләр ки, биз бу мүддәт әрзиндә онлара гаршы һүҹумлара һазырлашмышыг вә дөнүшүмүз јүксәк интенсив әмәлијјатларла мүшајиәт олунаҹаг”.
О, АБШ-ын Ирагдакы мөвҹудлуғунун тәрәфдарларыны “сатгын” адландырыб вә Вашингтонун аҝентләринә мүраҹиәт едәрәк дејиб: “Сиз ахмаг Трампдан горхурсунуз, амма биз ондан горхмуруг, чүнки өлүмдән горхмуруг. Ираглы бир мүҹаһидин ән кичик ајаггабысы Трамп вә онун кимиләриндән даһа дәјәрлидир”.
Диггәт: Лүтфән Хәбәрдән Истифадә Етдикдә Мәнбәјә Истинад Един!
