Әһли-Бејт
(әлејһимус сәлам) Бејнәлхалг Хәбәр Аҝентлији -АБНА: Ислам Ингилабынын Али Мәгамлы
Рәһбәри чәршәнбә ҝүнү сәһәр бир груп елита, ҝөркәмли елми истедадлар, олимпиадалар
вә университетә гәбул имтаһанында јүксәк нәтиҹә ҝөстәрән тәләбәләр илә ҝөрүш заманы
бујурублар: "Бөлҝәдә проблемләрин әсас сәбәи АБШ вә бәзи Авропа өлкәләри кими
јаландан сүлһ вә тәһлүкәсизлик тәрәфдары оланларын мөвҹудлуғудур вә буна әсасән,
реҝионда мүһарибә вә мүнагишләрә сон гојмағын јеҝанә јолу онларын шәрләрини реҝиондан
узаглашдырмаларыдыр".
Али Мәгамлы Рәһбәр давамында Сәддамы Ирана һүҹума тәрһик етдикләрини вә ондан сонра јашанан аҹы вә чәтин ҝүнләри Америка вә Гәрбин реҝионда мүһарибә гызышдырмасынын нүмунәси һесаб едибләр вә әлавә едибләр: "Онун зирвәси Әрбәин Јүрүшүндә тәҹәлли едән Иран вә Ираг арасындакы һазырки мәһәббәт реҝион проблемләринин әсас сәбәбинин јаланчы сүлһ иддиачылары олдуғуну ҝөстәрән, ән бариз нүмунәдир. Үмид едирик ки, Аллаһын лүтфү, бөјүк Иран халгынын сәјләри, Ислам Ингилабынын илһамларынын көмәји вә диҝәр өлкәләрин әмәкдашлығы илә онларын шәрри реҝиондан узаглашаҹаг".
Һәзрәт Ајәтуллаһүл-үзма Хаменеи давамында елиталарын олмасыны вә онларын јетишмәси үчүн зәмин јарадылмасыны өлкәнин ән мүһүм сәрвәтләриндән һесаб едибләр вә бујурублар: Елиталарын јетишдирилмәси үчүн ән мүһүм мәсәлә зәканын дәрәҹәсидир вә бу бахымдан Иран дүнјанын апарыҹы өлкәләриндән биридир.
Али Мәгамлы Рәһбәр дүнјада елм саһәсиндә сүрәтли инкишафлара ишарә едәрәк, елиталары елми интибаһ үчүн сәј ҝөстәрмәјә чағырыб вә вурғулајыблар: "Өлкәнин интибаһ вә јени елми һәрәката еһтијаҹы вар вә бу, елитанын вә елми вә тәдгигат мәркәзләринин вәзифәсидир.
Ислам Ингилабынын Али Мәгамлы Рәһбәри јени елми һәрәкат вә елми интибаһ јаратмағын елиталарын ҹиһады олдуғуну билдирәрәк, јени елми интибаһын рәгибләр вә мүхалифләр үзәриндә үстүнлүкләрә сәбәб олаҹағыны вурғулајыблар вә әлавә едибләр: Елми вә техноложи үстүнлүјүн нәтиҹәләриндән бири дә будур ки, дүшмәнин Гәззә вә Бејрутун Заһијјә бөлҝәсинин әһалисинә зәрбә ендирмәсинин гаршысыны алыр вә инсанларын вә ҝәнҹләрин гәлбини јандыран мүһарибәләрә мане олур.
Диггәт: Хәбәрдән Истифадә Етдикдә Мәнбәјә Истинад Лазымдыр!
