Ислам Ингилабынын Мүәззәм Рәһбәри Ајәтуллаһ Хаменеи базар ҝүнү (18-ијун) Өзбәкистан президенти Шавкат Мирзијојев вә ону мүшајиәт едән нүмајәндә һејәти илә ҝөрүшүндә ики өлкә, Иран вә Өзбәкистанын бәнзәрсиз тарихи, мәдәни вә елми јахынлығына ишарә едиб вә дејиб: Бирҝә имканлардан мүхтәлиф секторларда әлагәләрин ҝенишләндирилмәси үчүн истифадә едилмәлидир.
Ислам Ингилабынын Бөјүк Рәһбәринин офисинин информасија порталынын мәлуматына ҝөрә, Мүәззәм Рәһбәр узун фасиләдән сонра ики өлкә арасында мүнасибәтләрин јенидән ҹанланмасындан мәмнун олдугларыны билдириб вә әлавә едибләр: Узун илләр Иран вә Өзбәкистан арасында әлагәләр чох мәһдуд иди вә үмид едирик ки, бу сәфәр вә Теһранда апарылан данышыглар ики өлкә мүнасибәтләриндә даһа јахшы ҝәләҹәјин башланғыҹы олаҹаг.
Ајәтуллаһ Хаменеи дејиб: Иран Ислам Республикасы Өзбәкистаны Түркмәнистан вә Әфганыстан васитәсилә асанлыгла ачыг сулара бағламаг габилијјәтинә маликдир, Әлбәтдә бизим гаршылыглы әмәкдашлыг әлагәләримиз тәкҹә тиҹарәт вә нәглијјатла әһатәләнмәмәли, елм вә технолоҝија саһәси кими диҝәр секторларда әлагәләрә дә тәшәббүс ҝөстәрилмәлидир.
Һәзрәт Ајәтуллаһ Хаменеи вурғулајыблар : Әлбәттә, Иран-Өзбәкистан әлагәләринин ҝенишләнмәсинин өз әлејһдарлары вар, лакин бу мүхалифәтләрдән асылы олмајараг вә ики өлкәнин мәнафејинә әсасланараг гәрар гәбул едилмәли вә әмәкдашлыг имкан дахилиндә ҝенишләндирилмәлидир.
Иран Ислам Республикасынын Президенти Сејид Ибраһим Рәисинин дә иштирак етдији бу ҝөрүшдә Шавкат Мирзијојев Ислам Ингилабынын Али Рәһбәри илә ҝөрүшүнү тарихи бир ҝөрүш адландырыб вә дејиб: Ики өлкә арасында мүнасибәтләрдәки фасилә вә әмәкдашлығын азалмасына тәәссүфләнәрәк үмид едирик ки,Теһранда баш тутан данышыгларла бөјүк аддымлар атаҹағыг вә тиҹарәт, нәглијјат, елм вә технолоҝија вә туризм саһәләриндә әмәкдашлыг лазыми вә арзу олунан сәвијјәјә чатаҹаг.
342/
