«Һәбиб Әсјуд» ләгәбли Һәбиб Фәрәҹуллаһ Чәәб бәзи реҝион өлкәләринин, һабелә Американын МКИ, сионист режимин МОССАД вә Исвечин САПО ҹасуслуг тәшкилатлары да дахил олмагла бир нечә хәфијјә хидмәтинин дәстәји алтында 2005-ҹи илдән террорчу «Һәрәкәт ән-Низал» гараҝүруһуна башчылыг етмәјә башлады. Бу груплашманын «Һәбиб Әсјуд»ун башчылығы алтында төрәтдији ганлы террор һәрәкәтләри нәтиҹәсиндә 450 нәфәрдән чох Иран вәтәндашы шәһид олуб вә ја јараланыбдыр.
2018-ҹи ил сентјабрын 22-дә Иранын ҹәнуб-гәрбиндә јерләшән Әһваз шәһәриндә һәрби вә низам-интизам гүввәләринин парадына гаршы террор һүҹуму вә мәзлум вә ҝүнаһсыз Хузистан сакинләринин гәддар шәкилдә гырғын олунмалары, террорчу «Һәрәкәт ән-Низал» гараҝүруһу тәрәфиндән һәјата кечирилди вә бу террор груплашмасынын үзвләри онун мәсулијјәтини рәсмән үзәрләринә ҝөтүрдүләр.
Һәбиб Фәрәҹуллаһ Чәәб 2020-ҹи илин нојабрында Иранын тәһлүкәсизлик гүввәләри тәрәфиндән Түркијәдә јахаланды вә мүттәһимин, онун вәкилләринин, шикајәтчиләрин вә террор шәһидләринин аиләләринин иштиракы илә чох сајда иҹлас кечирилди.
342/
