Нетанјаһунун кабинетинә гаршы күтләви нүмајишләрин 13-ҹү һәфтәси илә ејни вахтда һәрби хидмәтә чағырыш вәрәгәләри олан сионист ҝәнҹләр бу сәнәдләри јандырараг ордуда хидмәт етмәкдән јајынан әсҝәрләр групуна гошулдулар.
Исраил 13 һәфтә әввәлдән бәри күтләви нүмајишләрин шаһиди олуб. Бу нүмајишләрин әсас сәбәби Нетанјаһу вә сионист Кнессет тәрәфиндән һәјата кечирилән мәһкәмә ислаһатлары планыдыр. Бу плана әсасән, мәһкәмә системинин сәлаһијјәтләри азалдылаҹаг, иҹра вә ганунвериҹилик сәлаһијјәтләринин мәһкәмә ишләринә мүдахиләси артырылаҹаг.
Буна етираз олараг Тел-Әвив дә дахил олмагла мүхтәлиф шәһәрләрдә күтләви нүмајишләр кечирилир вә бу нүмајишләрдә 200 минә јахын инсанын иштирак етдији билдирилир.
Бу нүмајишин режим үчүн тәһлүкәли һиссәси һәрбчиләрин етиразчылара гошулмасы олмушдур. Мәһкәмә ислаһатлары планына етираз олараг чохлу сајда һәрби гүввә артыг ордудан истефа вериб вә хејли сајда ҝәнҹ сионист Нетанјаһу кабинетинин сијасәтләринә етираз олараг, өз чағырыш вәрәгләрини етиразчылар арасында јандырараг, үсјан едиб.
Нетанјаһу даһа әввәл мәһкәмә ислаһатларына етираз олараг бәзи еһтијатда олан һәрбчиләрин тәлим кечмәкдән вә ја ордуда хидмәт етмәкдән имтина етмәсини тәнгид едиб вә иргчи режимин диҝәр тәһлүкәсизлик гурумларынын бу мәсәләдә гәти мөвге тутмасыны ҝөзләдијимизи ифадә едиб.
Нетанјаһу һәмчинин Исраилин һәрб назири Јоав Галанты ислаһатлара гаршы чыхдығы үчүн вәзифәсиндән азад едиб. Лакин Нетанјаһунун бу һәрәкәти даһа чох әсҝәрин етиразчылара гошулмасына сәбәб олуб.
Ордудакы үсјанлар Исраил рәсмиләри тәрәфиндән ҹидди тәһлүкә адландырылыб. Бунунла белә әсҝәрләр вә үсјанкар ҝәнҹләр сионист ҹәмијјәтин бир парчасы олдугларыны вә мәһкәмә чеврилишинә гаршы халга гошулдугларыны бәјан едирләр.
Ҝөрүнүр, һәрбчиләрин бир һиссәсинин халга гошулмасы ордуда парчаланмаја сәбәб олуб, чүнки ордунун диҝәр бир һиссәси дә Нетанјаһунун кабинетини дәстәкләјир.
Мүвафиг олараг, Исраил кәшфијјатынын кечмиш рәһбәри вә Милли Тәһлүкәсизлик Арашдырмалары Институтунун баш директору ҝенерал-мајор Тамир Һајман ордуда парчаланма барәдә хәбәрдарлыг едәрәк билдириб ки, етиразлар тәһлүкәсизлик тәһдидинә чеврилә биләр.
