Сәудијјә Әрәбистаны, Гәтәр, Иорданија, Мәракеш, Күвејт вә Ливија, Түркијә вә БӘӘ Хариҹи Ишләр Назирликләри ајры-ајры бәјанатларда Данимаркада ифратчы групун Гурана гаршы һөрмәтсизлијини писләјиб вә буну мүбарәк Рамазан ајинда дүнја мүсәлманларынын һиссләрини гызышдырмаг кими гијмәтләндирибләр.
Сәудијјә Әрәбистаны Хариҹи Ишләр Назирлији бәјанат јајараг билдириб ки, Сәудијјә Әрәбистаны Данимаркада ифрат сағчы групун Гурани-Кәримин нүсхәсини јандырмасыны гәтијјәтлә писләјиб.
Ливија Хариҹи Ишләр Назирлији бир бәјанатында белә бир тәхрибатчы вә тәһлүкәли һәрәкәтин зоракылығы вә нифрәти аловландырдығыны билдириб.
Күвејт Хариҹи Ишләр Назирлији дә Данимаркада бир екстремист групун Гураны јандырмасыны кәскин шәкилдә писләјиб вә билдириб ки, бу јени тәхрибат характерли һәрәкәт, хүсусилә дә мүгәддәс Рамазан ајында бүтүн дүнја мүсәлманларынын һиссләрини инҹидә вә тәһрик едә биләр.
Диҝәр тәрәфдән Гәтәр хариҹи ишләр назирлији вердији бәјанатда, бу ијрәнҹ һадисәнин, хүсусилә дә мүгәддәс Рамазан ајында дүнјада 2 милјарддан чох мүсәлманын һиссләринә тәһрик вә ҹидди тәхрибат олдуғуну билдириб.
Иорданија Хариҹи Ишләр Назирлији дә билдириб ки, Гуранын јандырылмасы хүсусилә дә мүбарәк Рамазан ајында мүсәлманларын һиссләрини тәһрик едән, гејри-инсани, әхлагсыз, иргчи вә гәбуледилмәз бир һәрәкәтдир.
Түркијә Хариҹи Ишләр Назирлији дә баш вермиш инсиденти "нифрәт ҹинајәти" кими гынајыб вә билдириб ки, Анкара һеч вахт "ифадә азадлығы ады алтында бу ҹүр алчаг һәрәкәтләрә јол верилмәсини" гәбул етмәјәҹәк.
Мәракеш Хариҹи Ишләр Назирлији дә өз бәјанатында билдириб: "Гурани-Кәримин бир нүсхәсинин тәһгир едилмәсини вә јандырылмасыны шиддәтлә гынајырыг. Бу, ијрәнҹ бир һәрәкәт вә хүсусилә мүбарәк Рамазан ајында ики милјарддан чох мүсәлманын мүгәддәсләринә вә һиссләринә тәһгирдир".
Бирләшмиш Әрәб Әмирликләри Хариҹи Ишләр Назирлији дә тәһлүкәсизлији һәдәфләјән, әхлаги вә инсани дәјәрләрә зидд олан һәр ҹүр давранышла өз әкс мөвгејини вурғулајыб.
342/
