Әрдоған Американын Түркијәни Русијадан С-400 алмасына ҝөрә ҹәзаландырмасына ејни заманда АБШ-ын етимадолунасы ортаг олмадығына ејһам вуруб:
“С-400 алмағымызла бағлы һеч нә тәклиф етмәдән бизи тәһдид едәнләр вар иди. Инди биз Ф-16-ларын тәдарүкү илә бағлы данышыглар апарырыг, лакин бизә рәдд ҹавабы верилир. Бизә Ф-35 тәјјарәләри вәд етдиләр, лакин сөзләрини тутмадылар. Бахмајараг ки, биз тәхминән 1 милјард 400 милјон доллар өдәмишик. Тәјјарә јохдур, пул да гајтарылмајыб”, - о билдириб.
Әрдоған Түркијәнин һәр заман сөзүнү тутдуғуна вә тәрәфдашларындан да буну ҝөзләдијинә диггәт чәкиб.
Түркијә президенти Франсанын да етибарлы тәрәфдаш олмадығыны вурғулајыб:
“Макрон дүрүст дејил. Амма биз истәјирик ки, бејнәлхалг сијасәт сәмимијјәт үзәриндә гурулсун. Сәмимијјәт олмајан јердә инам да јохдур. Тәбии ки, дүнјада белә лидерләр чохдур. Тәәссүф ки, онлар Јунаныстанла мүнасибәтләрдә Түркијәни ҝөрмәздән ҝәлирләр”, - Әрдоған билдириб.
Түркијә президенти рәсми Париси кәскин гынајыб: “Парис бејнәлхалг аләмдә нүфузуну итирир, Франса Президенти Еммануел Макрон исә дөвләт башчысы олмаға лајиг дејил.”
342/
