Таммигјаслы мүһарибәнин башланмасындан тәхминән бир ил сонра Украјнаны ики коррупсија галмагалы сарсытмагдадыр. Бириндә сөһбәт ҝенераторларын базар гијмәтиндән артыг гијмәтә сатыналынмасындан, диҝәриндә украјналы һәрбчиләр үчүн әрзаг пајларынын сатыналынмасындан ҝедир, һәм дә икинҹи һалда тәнгид атәши алтына Украјнанын мүдафиә назири, Украјнанын Русија һүҹумуна мүгавимәтинин әсас нәзәрәчарпан вә иҹтимаи фигурларындан бири олан Алексеј Резников дүшүб.Бу барәдә "Деталј" нәшри јазыб.
Украјнанын Милли Антикоррупсија Бүросу (УМАБ) бәјан едиб ки, һәр ики иш арашдырылыр.
"Бу һәфтә мүвафиг гәрарлар гәбул едиләҹәк. Мән онлары елан етмәк истәмирәм, амма һәр шеј әдаләтли олаҹаг. Сөһбәт енерҝетика вә сатыналынмалардан, мәркәзи һөкумәтлә реҝионлар арасында мүнасибәтләрдән, һәрбчиләр үчүн сатыналынмалардан ҝедир", - Украјна президенти Владимир Зеленски дејиб.
Әсҝәрләр үчүн әрзаг пајларынын шүбһәли сатыналынмаларына илк дәфә украјналы арашдырмачы журналист вә "Бизим пуллар" тәдгигатлар сајтынын тәсисчиси Јури Николов диггәт чәкиб вә тәдгигатыны "ЗН.УА" сајтында дәрҹ едиб.
Сурәти һакимијәт дахилиндән журналистә өтүрүлән мүгавиләјә ҝөрә, Украјнанын Полтава, Сумы, Кијев, Житомир, Чернигов вә Черкасск вилајәтләриндә дислокасија едилән һәрби һиссәләр әрзаг мәһсулларыны базар гијмәтләриндән ики-үч дәфә чох гијмәтләрлә алмалы олуб. Һәм дә бу бөлмәләр тәҹһизат јолларынын тәһлүкәли олмасы сәбәбиндән сатыналмаларын һәгигәтән баһалы ола биләҹәк ҹәбһә хәттиндән узагда јерләшиб.
Украјна Мүдафиә назири Олекси Резников иддиа бәјан едиб ки, мүгавиләнин сурәтини журналистә өтүрән адам ҹинајәт төрәдиб. Украјна Тәһлүкәсизлик Хидмәти бу сызманы вә онун архасында дуран мотивләри арашдыраҹаг.
Һәмчинин Резников назирлијин мүгавиләсини ҹидди-ҹәһдлә мүдафиә етдији заманы Иҹмалар, әрази вә инфраструктурун инкишафы назиринин мүавини Васили Лозински, демәк олар ки, дәрһал вәзифәсиндән кәнарлашдырылыб. УМАБ мәлумат вериб ки, назир мүавини енерҝетика аваданлығынын шиширдилмиш гијмәтә сатыналмаја дәстәк ҝөстәрилмәсинә ҝөрән 400 мин АБШ доллары алдығы заман сахланылыб.
342/
