"Бәтулат"-а истинадән хәбәр верир ки, Инҝилтәрәнин “Ливерпоол Еҹһо” гәзети футбол азаркешләринин “Ливерпул” клубунун мисирли футболчусу Мәһәммәд Салаһа олан диггәтиндән бәһс едән хәбәрдә белә јазыб: "Мәһәммәд Салаһ ојунөнҹәси исинмә һәрәкәтләри үчүн ҝәлән кими Әл Мәктум Стадионундакы издиһамын аловланмасы гејри-ади дејилди. О, әрәб өлкәләринин футболунда сивилизасијанын јарадыҹысыдыр. Мәһәммәд Салаһын јүз милјонларла инсанын гәһрәманы олдуғуну сөјләмәк мүбалиғә олмаз. О, футбола Мисирин "Әл-Магалоун" клубунда башлајыб вә инди Инҝилтәрә Премјер Лигасынын улдузуна чеврилиб.
Бу хәбәрин башга бир һиссәсиндә Мәһәммәд Салаһын мүсәлманлара бахышларын дәјишмәсинә тәсири һаггында белә дејилир: "2019-ҹу илдә, Салаһын Мадриддә Чемпионлар Лигасынын галиби Ливерпула көмәк етмәсиндән бир нечә һәфтә сонра Станфорд Университетинин арашдырмасы ҝөстәрди ки, Салаһын Ливерпулда кечирдији ики ил әрзиндә Мерсисајдда мүсәлманлара гаршы нифрәт ҹинајәтләри 18,9% азалыб.
Һесабатда әлавә олунур: "Сорғунун тәҹрүбәси ону демәјә әсас верир ки, бу нәтиҹәләр футбол азаркешләринин Ислам дини һаггында биликләринин артмасы илә бағлы ола биләр. Бу нәтиҹәләр ҝөстәрир ки, Мәһәммәд Салаһ кими мәшһур инсанлара мүсбәт бахыш мүсәлманлар һаггында јени вә дәгиг мәлуматлара сәбәб ола биләр вә үмумијјәтлә гәрәзли мүнасибәт вә давранышлары азалда биләр".
342/
