Аксијачылар јашајыш хәрҹләри вә јанаҹаг гијмәтләринин артмасына етираз вә енержи бөһранындан мәнфәәт әлдә едән ири ширкәтләрә гаршы даһа чох верҝинин тәтбиг олунмасыны тәләб едибләр.
Бир нечә ҝүн бундан габаг Алманија федерал статистика идарәси билдирди ки, бу өлкәдә инфлјасија ҝөстәриҹиси октјабр ајында прогнозлар сәвијјәсини өтүб кечмәклә мисли ҝөрүнмәмиш 10,4 фаизә чатыбдыр.
Һәмчинин Алманијада гида маддәләринин гијмәтләри өнҹәки илин аналожи дөврү илә мүгајисәдә 20,3 фаиз артыбдыр.
“Еуростат“ тәрәфиндән јајылмыш статистикалар ҝөстәрир ки, ҹари илин сентјабр ајында Авропа Бирлијинә үзв 27 өлкәдә инфлјасија индекси өтән илин охшар дөврү илә мүгајисәдә 10,9 фаиз артыбдыр.
Авропа вә Америкада енержи бөһраны вә бу өлкәләрдә нефт вә газ гијмәтләринин артмасы, Украјна илә савашын башланмасы вә Донбас бөлҝәсиндә хүсуси һәрби әмәлијјатын кечирилмәси бәһанәсилә Русијаја гаршы ҝениш санксијаларын тәтбиг едилмәсиндән сонра баш верибдир.
Москва да Гәрбин биртәрәфли санксијаларынын әвәзини чыхмаг үчүн бир нечә Авропа өлкәсинә газ ихраҹатыны кәсмәклә, Русијадан енержи идхалы хәрҹинин бу өлкәнин пул ваһиди олан рубл илә өдәнилмәсини истәјибдир.
Експертләр дејирләр ки, Авропа Бирлијинин гаранлыг гышы елә индидән башланыб, зира онлар Русијанын нефти вә газына олан асылылыгларыны сыфыра ендирмәјә гадир олмајаҹаглар.
342/
