сепаратчы гурумун нүмајәндәләри аксија заманы Русијадан “Гарабағ халгынын тәһлүкәсизлијини тәмин етмәк үзрә өһдәликләрини јеринә јетирмәји” хаһиш едибләр.
Русијаја мүраҹиәтдә Москваја бу мәгсәдлә “әлавә сијаси вә һәрби механизмләр” тәтбиг етмәк тәклиф олунуб.
Мүраҹиәтдә һәмчинин Гарабағын Азәрбајҹанын тәркибиндә олмајаҹағы тезиси јер алыб. О да вурғуланыб ки, “Ермәнистанда һеч бир һөкумәтин Гарабағ халгынын тәһлүкәсизлијини тәмин етмәк миссијасындан әл чәкмәјә вә һәр һансы сәнәдә бахмаға һаггы јохдур”.
Гарабағдакы күтләви тәдбир Русијанын Сочи шәһәриндә Азәрбајҹан, Русија вә Ермәнистан лидерләринин бу ҝүн ҝөзләнилән ҝөрүшүндән бир ҝүн өнҹә кечирилиб.
Русија президенти Владимир Путин өтән һәфтә Валдај Форумундакы чыхышында дејиб ки, Ермәнистан вә Азәрбајҹан арасында сүлһ мүгавиләсинин “Вашингтон варианты” Гарабағ үзәриндә Бакынын суверенлијини нәзәрдә тутур. Онун сөзләринә ҝөрә, һансы варианты сечмәк Ермәнистанын, ермәни халгынын вә Ермәнистан рәһбәрлијинин өз ишидир.
Гарабағ мүнагишәсинин артыг битдијини иддиа едән Азәрбајҹан һаким режими исә һәләлик, Путинин сон бәјанатына мүнасибәт билдирмәјиб.
Өтән ајларда Илһам Әлијев Гарабағдакы ермәниләрин Азәрбајҹан ҹәмијјәтинә интеграсијадан башга јолу олмадығыны сөјләјиб. Бунун мүгабилиндә Ермәнистан рәһбәрлији Азәрбајҹаны Ханкәндиндәки гондарма режимлә бирбаша данышыглара чағырыр.
Бу минвалла Бакыдакы игтидарын Гарабағла бағлы наилијјәтләринин ҝетдикҹә шүбһә алтына алындығы үзә чыхыр.
342/
