Азәрбајҹан Республикасынын Русијанын мүвәггәти(!) нәзарәтиндә олан әразисиндә 31 идлән чохдур ки, фактики фәәалијјәт ҝөстәрән сепаратчы режимин башчысы Арајик Арутјунјан АБШ-дан ҝәләрәк Лачын дәһлизи васитәси илә Рәсми Бакынын хәбәри олмадан Гарабаға дахил олмуш ермәни мәншәли иш адамы Вардан Назаерјаны гәбул едиб.Бу һагда ермәни мәнбәләри мәлумат јајыб.
Ханкәндиндә кечән ҝөрүш заманы Арајик Гарабағдакы сепаратчы режимә "даими дәстәјинә вә мүхтәлиф сосиал програмларда фәал иштиракына ҝөрә хејријјәчијә миннәтдарлығыны билдириб". О, һәмчинин вурғулајыб ки, Назерјан 44 ҝүнлүк "мүһарибәдән сонракы дөврдә мәнзил тикинтиси үчүн хејријјә програмыны һәјата кечирмәк үчүн илк шәхси тәшәббүслә чыхыш едәнләрдән бири олуб".
Ҝөрүш заманы сепаратчы башчы "хејријјәчи"ни ҝөстәрдији хидмәтләрә ҝөрә “Вачаган Барепашт” медалы илә тәлтиф едиб.
Ермәни мәншәли Америка иш адамы Вардан Назерјан 2019-ҹу илин сентјабрында да Ханкәндинә ҝәлмишди. Американ гонаг Сепаратчы режимин о дөвркү башчысы Бако Саакјан тәрәфиндән "хидмәтләринә ҝөрә" "Минннәтдарлыг" медалы илә тәлтиф едилмишди.
Хатырладаг ки, бу ил сентјабрын әввәлләриндән Русија милјардери Рубен Варданјан да Гарабағда фәлаијјәтә башлајыб. Октајбрын 4-дә Арајик Арутјунјан она "дөвләт назири" вәзифәсини тәклиф едиб.
342/
