Түркијә президенти Рәҹәб Тәјјиб Әрдоған Русија-Украјна мүһарибәси илә бағлы Гәрб өлкәләрини тәнгид едиб. Бу барәдә о Сербија Президенти Александр Вучичлә кечирдији ҝөрүшдән сонра мәтбуата ачыгламасында дејиб.
Түркијә президенти дејиб: “Дејә биләрәм ки, һазырда Гәрбин тутдуғу мөвгеји доғру һесаб етмирәм. Тәхрибата әсасланан сијасәт олдуғу мүддәтҹә һеч бир нәтиҹә әлдә едә билмәзсиниз. Бу мүһарибәнин галиби вармы? Дејә биләрик ки, бу мүһарибәнин галиб тәрәфи јохдур, анҹаг мәғлуб олан чохдур”.
Әрдоған билдириб ки, Украјнадакы һәрби әмәлијјатларын малијјә тәрәфләринә диггәт етмәк лазымдыр:
"Малијјә тәрәфинә нәзәр салдыгда ҝөрүрүк ки, бири дејир Украјнаја бу гәдәр пул вердим, диҝәри дејир бу гәдәр. Бәс бу пул һарададыр? Дејирләр, Украјнаја силаһ ҝөндәрилир. Нә гәдәр вахты кечмиш силаһлар варса, онлары ҝөндәрирләр. Русијаны ҹиддијә алмајанлара дејирәм ки, јанлыш едирсиниз. Русија ҹиддијә алынмајаҹаг өлкә дејил. Русија тәбии газы кәсди, гијмәтләр галхды. Инди һамы гышдан неҹә чыхаҹағыны дүшүнүр. Нијә әввәлҹәдән бу һагда дүшүнмәдиниз? Сәһмләрдән неҹә данышылаҹаг. Русијаја һүҹум етдикдә бу өлкә дә әлиндәки имканлардан истифадә едәҹәкди вә бу ҝөзләнилән иди. Үмид едирик ки, бир нәтиҹәјә ҝәлиб бу иши тез бир заманда битирәҹәјик".
342/
