Иран Ислам Республикасынын Јәзд шәһәриндә кечирилән "Снајпер һәдди" мүсабигәсиндә икинҹи мәрһәләнин нөвбәти чалышмалары јеринә јетирилиб. Вә бејнәлхалг мүсабигәдә азәрбајҹанлы снајперләр ҹүтлүк шәклиндә атәш мөвгејинин сечилмәси, мүхтәлиф мәсафәләрдә јерләшән һәдәфләрин ашкар олунараг сәрраст атәшлә мәһв едилмәси тапшырыгларыны мүвәффәгијјәтлә иҹра едибләр.
Азәрбајҹан Мүдафиә Назирлијиндән верилән мәлумата ҝөрә, Азәрбајҹан снајперләри "Ҹүтләр сыраламасы" мәрһәләсинин "Шәһәр әмәлијјаты" вә "Тәнзимләмә" чалышмаларыны мүвәффәгијјәтлә јеринә јетирибләр.
Чалышмалар заманы снајперләрин уғур газандыглары билдирилир.
Гејд едәк ки, августун 19-да Иран Ислам Республикасынын Јәзд шәһәриндә кечирилән “Снајпер һәдди” бејнәлхалг мүсабигәсинин тәнтәнәли ачылыш мәрасими олуб. Мәрасимдә иштиракчы өлкәләрин нүмајәндә һејәтләри, һәрби атташеләр, күтләви информасија васитәләринин нүмајәндәләри вә диҝәр гонаглар иштирак едибләр.
Иран Ислам Республикасында кечирилән "Снајпер һәдди" мүсабигәсиндә Иран, Азәрбајҹан Республикасы, Беларус, Чин, Өзбәкистан, Русија вә Зимбабвени тәмсил едән командалар мүбаризә апарырлар.
342/
