АБНА24 Хәбәр Верир , Түркијә гүввәләри Суријанын шимал-шәргиндә јерләшән Әлһәсәкә вилајәтинин Тәлл-Тәмр гәсәбәсинин әтрафыны вә Әбу-Расин гәсәбәсини артиллерија вә ракетлә һәдәфә алыблар.
Түркијә ордусунун Әбу-Расин гәсәбәсинин гәрбинә гаршы басгыны заманы кәнд тәсәррүфаты кооперасијасы банкына зијан дәјиб. Сурија вәтәндашларындан бәзиләринин мәнзилләринә дә хәсарәт дәјибдир.
Суријалы мәнбәләр билдирибләр ки, Түркијә өзүнүн Әлмаһмудијјә рајонунда јерләшән ганунсуз базасындан Рәәсүлејнин ҹәнубундан 35 километр аралыда јерләшән Алағбиш кәндинә тәрәф артиллерија вә ракет һүҹумлары едиб.
Мәлуматда дејилир ки, Түркијәнин кәшфијјат тәјјарәләри интенсив шәкилдә Түркијә гүввәләринин вә онун табелијиндә олан үнсүрләрин јерләшдикләри золаг илә Суријанын орду гүввәләринин јерләшдији мәкан арасындакы тәмас хәтләри бојунҹа, бөлҝәнин сәмасында учмагдадырлар.
Түркијә ордусу террорчуларла мүбаризә бәһанәсилә тәгрибән ики ил јарым бундан өнҹәдән Суријанын шимал вә шимал-шәрг бөлҝәләриндән бәзи һиссәләри ишғал едиб вә бир груп түркијәли һәрбчи һәмин бөлҝәләрдә иштирак етмәкдә давам едир.
Сурија халгы дәфәләрлә аксијалар кечирмәклә Түркијә гүввәләринин бу өлкә әразисиндән чыхмаларыны тәләб едиб. Сурија һөкумәти дә дәфәләрлә Түркијәнин вә ГСД гүвввәләринин Сурија әразисиндәки һәрби иштиракаларына етираз едибдир.
342/
31 may 2022 - 04:17
Xəbər kodu: 1262477
Суријалы мәнбәләр Түркијә ордусунун вә онун табелијиндә олан үнсүрләрин Суријадакы бөлҝәләрә гаршы артиллерија вә ракет һүҹумларынын давам етмәсиндән хәбәр верибләр.
