АБНА24 Хәбәр Верир , Иранын хариҹи ишләр назири Һүсејн Әмир Абдуллаһиан Һәзрәт Ајәтуллаүл-үзма Хаменеинин Әсәрләринин Горунмасы вә Нәшри Дәфтәрханасынын информасија порталына вердији мүсаһибәдә Сурија президенти Бәшшар Әсәдин Ирана сәфәри вә Ислам Ингилабынын Алимәгам Рәһбәри илә ҝөрүшүнүн мәгсәдләри илә бағлы дејиб: Сурија президентинин сәфәринин месажы бу иди ки, Теһран-Дәмәшг мүнасибәтләри әла вә ајрылмаз бир әлагәдир вә ики өлкә лидерләринин ирадәсиндә мүшаһидә едилән әлагәләрин инкишафы вә дәринләшдирилмәсидир.
Әмир Абдуллаһиан бу ҝүн мүгавимәтин өзүнүн ән ҝүҹлү вә ән јахшы вәзијјәтиндә олдуғуну билдирәрәк, дејиб: "Сионистләр бир нечә өлкә илә мүнасибәтләри нормаллашдырмаға чалышсалар да, ҝәләҹәкдә ҝөрәҹәкләр ки, Ислам дүнјасы вә реҝион өлкәләри ишғалчы сионистләрин бөлҝәдә рол ојнамасына имкан вермәјәҹәкләр".
Иранын Хариҹи Ишләр Назири даһа сонра дејиб: "Ислам Ингилабын Алимәгам Рәһбәри Сурија үчүн неҹә бир планын һазырландығыны дәриндән дәрк едәрәк вә реҝионун тәһлүкәсизлији, Суријанын бөлҝәдәки ролуну вә өлкәнин милли тәһлүкәсизлијини нәзәрә алараг, бөлҝәни вә Ислам дүнјасыны әһатә едән планын мәғлубијјәтә уғрамасы үчүн лазым олан бүтүн аддымларын атылмасыны әмр етдиләр.
О, әлавә едиб: "Бу истигамәтдә ҝенерал Гасим Сүлејмани мәсулијјәт һисси вә сәдагәтлә ҹәсур бир командир кими Сурија халгынын јанында дајанды вә Суријанын һәрби даирәләриндә һәрби мәсләһәтчи вәзифәсиндән тутмуш бу өлкәнин һәрби вә мүлки гүввәләри вә Һәрәм Мүдафиәчиләринә команданлыг етмәјә гәдәр өн ҹәбһәдә мүхтәлиф саһәләрдә рол ифа етди".
"Бәшшар Әсәд Сурија ҹәмијјәтиндә өз мәсулијјәтини вә рәһбәрлик вәзифәсини вә Сурија халгынын бахышыны әсас тутараг, террорчуларын өлкәсиндә мөвҹудлуғуна вә хариҹи мүдахиләчиләрин мүдахиләсинә сон гојмаға чалышыр", - дејә Әмир Абдуллаһиан гејд едиб.
342/
10 may 2022 - 10:14
Xəbər kodu: 1256270
Иранын хариҹи ишләр назири Иран вә Сурија лидерләринин ирадәсинин әлагәләри ҝүҹләндирмәк вә дәринләшдирмәк олдуғуну билдириб.
