АБНА24 Хәбәр Верир , Әрәб Дөвләтләри Лигасы Исраил режиминин Иордан Чајынын Гәрб саһилиндә 4000 јени мәскунлашма мәнтәгәсинин тикилмәси вә әл-Хәлил әјаләтинин ҹәнубунда 12 кәндин сөкүлмәси вә фәләстинлиләрин көчүрүлмәси гәрарынын мәнфи нәтиҹәләри барәдә хәбәрдарлыг едиб.
Әрәб Лигасынын бәјанатында билдирилиб ки, Исраилин сөзүҝедән гејри-мәгбул лајиһәләринин бејнәлхалг сабитлијә вә тәһлүкәсизлијә ҝөстәрдији мәнфи тәсирләри бу режимин Фәләстин халгына гаршы давамлы ирги тәмизләмә сијасәти контекстиндә баш верир.
Әлавә едилиб ки, бу лајиһәләр ирги ајрысечкилик вә ирги тәмизләмә мәсәләсиндә ән ачыг-ашкар нүмунәләрдир ки, бејнәлхалг иҹтимаијјәтин сүкуту гаршысында баш верир вә Исраили бу кими ҹинајәтләрини давам етдирмәсиндә даһа да ҹүрәтләндирир.
Тәшкилат, һәмчинин Фәләстин халгынын бејнәлхалг мүдафиәсинин тәмин едилмәси вә ишғала сон гојулмасы үчүн сәјләрин ваҹиблијини вурғулајыб.
Гејд едәк ки, Исраилин Али Мәһкәмәси азы дөрд мин фәләстинлинин көчүрүлмәси вә 300 һектар әразијә әл гојулмасы илә бағлы бағлы гәрары тәсдигләјиб. Сионист режим ордусу 1981-ҹи илдән, дөрд мин фәләстинлинин мәскунлашдығы бу бөлҝәни һәрби тәлимләр үчүн нәзәдә тутдуғуну елан едиб. Фәләстин мәтбуатынын мәлуматына ҝөрә, бу сајда фәләстинлинин көчүрүлмәси вә бөјүк әразиләрә әл гојулмасы 1967-ҹи илдән бу аја ән бөјүк көчүрмә планыдыр.
342/
9 may 2022 - 10:39
Xəbər kodu: 1256020
Сионист режим ишғал планыны даһа да ҝенишләндирир, Фәләстин торпагларында јени сионист массивләр салыныр
