АБНА24 Хәбәр Верир ,“Азәрсун Сәнаје Паркы”ндакы бир мәнбә билдириб ки,, јанғын әввәлҹә пластик габлар фабрикиндән башлајыб. Даһа сонра кәрә јағларынын јығылдығы сојудуҹу анбара кечиб. Бурада сатыша чыхарылмаг үчүн нәзәрдә тутулан 5-6 ајлыг јағ еһтијаты олуб.
Мәлумата ҝөрә, фабрик бир нечә ајдыр ки, бу анбары долдурмаг үчүн чалышырмыш. Тәкҹә јағ анбарында јанан мәһсулларла бағлы дәјән зијанын исә он милјон манатларла өлчүлдүјү дејилир. Билдирилир ки, анбардакы јағ мәһсуллары тәкҹә јерли базар үчүн дејил, һәм дә хариҹә ихраҹ үчүн нәзәрдә тутулубмуш.
АПА-нын истинад етдији мәнбә билдириб ки, пластик габлар фабрики јени јарадылмыш мүәссисә иди вә там ҝүҹү илә ишләмирди. Әсас зәрәр јағын истеһсал едилдикдән сонра илк дахил олдуғу әсас анбарла бағлыдыр. Тәкҹә мәһсула дәјән зијан 20-30 милјон манат һәҹминдә ола биләр. Амма дәјән зијан тәкҹә мәһсулла өлчүлмүр, орда истеһсал аваданлыгларына зијан дәјиб. Бундан әлавә, әсас деполама анбарларындан бири сырадан чыхыб. Јәни, алтернатив деполама јери јарадылмалыдыр. Бу, өзү дә бөјүк хәрҹ тәләб едир”.
Дејиләнләрә ҝөрә, сәнаје паркы дашынмаз әмлакын иҹбари сығортасы, дашынмаз әмлакын мүлки мәсулијјәтинин иҹбари сығортасы вә јанан мәһсуллар исә әмлак сығортасы үзрә “Азәрбајҹан Сәнаје Сығорта” Ширкәтиндә сығорталыб. Дәјән зијан сығорта ширкәти тәрәфиндән гаршыланмалыдыр.
Азәрбајҹан Республикасынын Баш Прокурорлуғу вә Фөвгәладә Һаллар Назирлијинин Сумгајытдакы јанғынла бағлы бирҝә бәјанатда билдирибләр ки,Сумгајытдакы јанғынла бағлы ҹинајәт иши башланылыб.
Гејд едәк ки, Сумгајыт шәһәри Һ.З.Тағыјев гәсәбәси, Метал база јолунда јерләшән “Азәрсун Сәнаје паркы“ комплексиндә 28 апрел 2022-ҹи илдә саат 17:20 радәләриндә башламыш јанғыны 29 апрел саат 08:24-дә сөндүрмәк мүмкүн олуб.
342/
30 aprel 2022 - 11:23
Xəbər kodu: 1253330
Өтән ҝүн Сумгајытда “Азәрсун Сәнаје Паркы”нда баш верән јанғында дәјмиш зијанла бағлы бәзи деталлар мәлум олуб. Јанғын бу ҝүн сәһәр саат 08:00 радәләриндә сөндүрүлүб.
