Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Аналитик Кредит Рејтинг Аҝентлијинин (АҸРА) рәһбәри Михаил Сухов Русија нефт вә газындан кәскин имтина едәҹәји тәгдирдә Авропанын гијмәт шоку илә үзләшәҹәјини прогнозлашдырыб.
Сухов хатырладыб ки, Русија Авропанын енержи базарында әһәмијјәтли паја маликдир. Онун ачыгламаларына ҝөрә, өтән илин сонуна Русијанын көмүр тәдарүкү Авропанын үмуми идхалынын 46 фаизини, газын 38 фаизини, нефтинин 26 фаизини тәшкил едиб. Експерт һесаб едир ки, Русија енержи мәнбәләриндән тамамилә имтина АИ-нин дахили базарында шока вә екстремал ссенаридә јанаҹаг чатышмазлығына сәбәб олаҹаг.
Бундан әлавә, Сухов прогнозлашдырыб ки, һадисәләрин бу ҹүр инкишафы шәртләриндә Авропа дөвләтләри АБШ, Гәтәр, Иран вә ја Норвеч кими алтернатив өлкәләрдән нефт вә газ идхалына јөнәләҹәкләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
