"Авропа өлкәләри отурдуглары будағы кәсирләр"

АБНА24 Хәбәр Верир , Александр Грушко Авропанын сон гәрарларыны шәрһ едәркән билдириб ки, Русија дипломатларына гаршы тәгибләр апаран Авропа өлкәләри отурдуглары будағы кәсирләр. Һазырда Русија вә НАТО арасында һеч бир әлагә јохдур. Русија Гәрб өлкәләри илә дипломатик мүнасибәтләрин сахланылмасынын тәрәфдарыдыр.

Хатырладаг ки, Украјнада мүһарибә башлајандан бәри Гәрб өлкәләриндән чыхарылан Русија дипломатларынын сајы 250-јә чатыб.

Билдирилир ки, Италија 30, Данимарка 15, Исвеч 3, Франса 30, Алманија 40, Нидерланд 17, Белчика 21, Ирландија 4, Чехија 1, Шимали Македонија 5, Полша 45, Болгарыстан 12, Литва 4, Естонија 3, Латвија 3, Словакија 3, Монтенегро 1, Лүксембург 1, Норвеч 3 Русија дипломатыны арзуолунмаз шәхс елан едәрәк өлкәдән чыхарыб.

Бундан башга, АБШ Москванын БМТ-дәки нүмајәндәлијинин 12 дипломатыны өлкәдән говуб.

Русија ХИН рәһбәринин мүавини ону да билдириб ки, Авропа илә газ саһәсиндә әмәкдашлыг илләрдир инкишаф едир вә Русијадан газ идхал етмәкдән имтина проблемини ҝүндәмә ҝәтирмәк һеч кимин ағлына ҝәлмәјиб.

Онун сөзләринә ҝөрә, АБШ базарларда вәзијјәти өз хејринә јахшылашдырыр дејә, бу вәзијјәтә севинир.

Русијанын хәбәрдарлыгларына рәғмән, АБШ президенти Ҹо Бајден Русија игтисадијјатына јени инвестисијаларын јатырылмасыны, һабелә Русија Федерасијасындакы шәхсләрә бир сыра хидмәтләрин ҝөстәрилмәсини гадаған едән фәрман имзалајыб. Фәрман, Бирләшмиш Штатлардан олан бир шәхсин бирбаша вә ја долајы јолла АБШ-ын һәр һансы категоријадан олан хидмәтләри ихраҹ етмәји, тәкрар ихраҹ етмәји, сатышыны вә ја Русијадакы истәнилән шәхсә һәр һансыса хидмәт ҝөстәрмәсини мәһдудлашдырыр. Фәрман һәмчинин АБШ-дан олан бир шәхсин, һарада олмасындан асылы олмајараг, Русија Федерасијасына јени инвестисијаларын јатырылмасыны гадаған едир.

Буна ҹаваб олараг Русија Хариҹи Ишләр Назирлијинин рәсми нүмајәндәси Марија Захарова апрелин 7-дә “Соловјов Ливе” лајиһәсинин ефириндә дејиб ки, Русија дипломатларыны өлкәдән чыхаран дөвләтләр Москваја сәрф едән сәрт ҹаваблар алаҹаглар.

342/