АБНА24 Хәбәр Верир , Әфганыстанла гоншу өлкәләрин үчүнҹү иҹласы Чинин Анһуј әјаләтинин Тунси шәһәриндә, Иран, Пакистан, Чин, Русија, Таҹикистан, Түркмәнистан, Өзбәкистан вә Гәтәрин хариҹи ишләр назирләри вә ја нүмајәндәләринин иштиракы илә кечирилир вә бу ҝүн баша чатаҹаг.
Иранын хариҹи ишләр назири Һүсејн Әмир Абдуллаһиан бу иҹласда етдији чыхышында дејиб: "Әфганыстандакы проблемләрин көкү бу өлкәнин узун мүддәт ишғал алтында олмасы вә ишғалчыларын, хүсусән дә АБШ-ын јанлыш сијасәтидир".
Әмир Абдуллаһиан әлавә едиб: "Әфганыстанын узунмүддәтли ишғалы нәинки онун инкишафына һеч бир төһфә вермәди, әксинә бир нөв асылылыға сәбәб олду ки, бу да ишғалчылар ҝери чәкилдикдә Әфганыстанын сијаси вә игтисади структурларынын дағылмасы илә нәтиҹәләнди вә һәмишә олдугу кими мәзлум Әфганыстан халгыны мәғлуб вә гурбан кими тәрк етди.
Иранын хариҹи ишләр назири Әфганыстанда һәлә дә терроризм вә онун јајылмасы тәһлүкәсинин ҹидди олдуғуну вә бурада АБШ-ын изләринин ҝөрүндүјүнү билдириб вә дејиб: " АБШ бу ҝүн Әфганыстанын јенидән гурулмасында иштирак етмәкдән данышмыр, һалбуки бу өлкәни 20 ил ишғал алтында сахламышды вә халга көмәк етмәк үчүн һеч бир аддым атмады".
Әмир Абдуллаһиан коллектив тәдбирләри вә мәлумат мүбадиләсини асанлашдырмаг вә идарә етмәк үчүн Әфганыстанын гоншулары тәрәфиндән террорла мүбаризә сијасәтини әлагәләндирмәк үчүн мөвҹуд структурлар вә ја мүстәгил гурумлар чәрчивәсиндә хүсуси тәһлүкәсизлик механизмин јарадылмасыны тәклиф едиб.
Иранын јүксәк сәвијјәли дипломаты Әфганыстан халгыны дәстәкләмәк үчүн бу өлкәдә инклүзив милли һөкумәтин гурулмасы илә паралел олараг, реҝионда механизм вә пул фондунун јарадылмасыны зәрурәт адландырыб вә дејиб: "Бизим ҝөзләнтимиз будур ки, һаким гурум бунунла бағлы даһа әмәли тәдбирләр ҝөрсүн".
342/
1 aprel 2022 - 08:39
Xəbər kodu: 1243626
Иранын хариҹи ишләр назири Чинин Тунси шәһәриндә кечирилән Әфганыстан гоншуларынын үчүнҹү иҹласында Әфганыстанда инклүзив милли һөкумәтин гурулмасы илә паралел олараг, реҝионал бир механизмин јарадылмасынын ваҹиблијини вурғулајыб.
