АБНА24 Хәбәр Верир , корона пандемијасы илә бағлы јаранмыш икииллик фасиләдән сонра Гадынын Статусу Комиссијасынын иллик иҹласлары сырасындан алтмыш алтынҹы иҹлас өлкәләрин гадынлар саһәси үзрә башчылары вә јүксәк вәзифәли рәсмиләринин иштиракы илә БМТ-нин Нју-Јоркдакы игамәтҝаһында ишә башлајыб. Базар ертәси ҝүнү, мартын он дөрдүндән башланан иҹлас мартын ијирми бешинәдәк сүрәҹәк.
Иран Ислам Республикасынын гадын вә аилә мәсәләләри үзрә витсе-президенти Енсије Хәзәли БМТ Баш Ассамблејасынын сәдри Абдуллаһ Шәһидлә ҝөрүшдә Иранда кәнд гадынларынын вә аилә башчысы олан гадынларын тибби сығорталарындакы јенилијә ишарә вә Иран Ислам Республикасынын аилә башчысы олан гадынлар үчүн диҝәр сосиал сығорталарын тәмини саһәсиндәки фәалијјәтләрини шәрһ едиб.
Абдуллаһ Шәһид дә гадынларын даһа чох һимајә едилмәләри, онларын инкишафы вә тәрәггиси үчүн имканын јарадылмасыны вурғулајыб.
Иран Ислам Республикасынын гадын вә аилә мәсәләләри үзрә витсе-президенти вә БМТ Баш Ассамблејасынын сәдри һәмчинин ҹәмијјәтләрин инкишафында гадынларын ролунун әһәмијјәти әтрафында фикир мүбадиләси апарыблар.
342/
19 mart 2022 - 16:11
Xəbər kodu: 1240863
Иран Ислам Республикасынын витсе-президенти вә Бирләшмиш Милләтләр Тәшкилатынын Баш Ассамблејасынын сәдри Гадынын Статусу Комиссијасынын 66-ҹы иҹласынын кәнарында ҝөрүшүбләр.
