АБНА24 Хәбәр Верир , НАТО-нун баш катибинин сөзләринә ҝөрә, әҝәр мүнагишә Украјна сәрһәдләриндән кәнара чыхса, бу, даһа дағыдыҹы вә дәһшәтли олаҹаг, даһа чох иткиләр олаҹаг: “Биз нә һавадан, нә дә гурудан Украјнаја мүдахилә едәҹәјик”,- дејә Јенс Столтенберг билдириб.
Баш катиб бир даһа Украјна сәмасынын бағланмасы мәсәләсинә тохунуб: “Украјна сәмасынын бағланмасы о демәкдир ки, биз гырыҹы тәјјарәләримизи Украјна сәмасына ҝөндәрәк вә Русија тәјјарәләрини вурараг Украјна сәмасыны бағлајаг.
Русијаја гаршы тәзјигләри артырмаг мәгсәдини ҝүдәрәк Украјнада тражик дурумун јаранмасында мараглы олдуғу дејилән НАТО-нун баш катиби Јенс Столтенберг әлавә олараг дејиб: “Әҝәр сәманы бағламагла бағлы аддым атсаг, бу, Авропа реҝионунда там мигјаслы мүһарибә илә нәтиҹәләнәҹәк. Даһа чох өлкәләр бу мүһарибәјә ҹәлб олунаҹаг, даһа чох инсан тәләфаты олаҹаг.
НАТО-нун баш катиби бу һәрби алјансын Русијаја гаршы мүһарибәни анҹаг Украјна әразисиндә апармаг нијјәтиндә олдуғуну билдириб: “Украјна ордусуна ҝүҹлү дәстәк веририк, лакин ејни заманда, бу мүһарибәјә бирбаша мүдахилә етмирик”,- Јенс Столтенберг дејиб.
342/
5 mart 2022 - 05:07
Xəbər kodu: 1235965
НАТО Баш катиби Јенс Столтенберг билдириб ки, Мүнагишәнин Украјна сәрһәдләриндән кәнара чыхмасынын гаршысыны алмагла бағлы НАТО мәсулијјәт дашыјыр.
