АБНА24 Хәбәр Верир ,һаким “Вәтәндаш Мүгавиләси” партијасынын јеҝанә намизәди, јүксәк технолоҝијалар сәнајеси назири Ваагн Хачатрјан 71 сәслә Президент сечилиб.
Хачатрјан Ермәнистан тарихинин 5-ҹи Президенти олаҹаг.
Ваагн Хачатрјан сәсвермәнин бриринҹи турунда ҹәми 69 сәс топлајыб. Бу да лазым олан минимум сәс сајындан (81) аз олуб.
Мүхалиф “Шәрәфим вар” вә “Һајастан” фраксијалары президентлијә намизәдлијин мүзакирәсини бојкот едибләр.
Ермәнистан Конститусијасына ҝөрә, президент сечкиләринин икинҹи вә үчүнҹү турларынын кечирилмәси мүмкүндүр вә бу заман сечилмәк үчүн мүвафиг олараг 65 вә 54 сәс лазымдыр.
Ваагн Хачатрјан Ермәнистан президенти сечилмәздән өнҹә бу өлкәнин Иҹтимаи Телевизијасына мүсаһибәсиндә гоншуларла мүһарибә вә мүбаһисәнин әлејһинә олдуғуну билдириб.
“Һесаб едирәм ки, гоншуларла јалныз сүлһ шәраитиндә јашамаг лазымдыр”, - дејә Хачатрјан дејиб.
Хачатрјан әлавә едиб ки, Ермәнистан вәтәндашлары үчүн сүлһ һәјат вә инкишаф үчүн јеҝанә вариантдыр.
Јени президент Түркијә-Ермәнистан мүнасибәтләринин нормаллашмасына позитив бахдығыны дејиб: “Просеси давам етдирмәк лазымдыр. Бу нәтиҹәдә игтисади вә сијаси мүнасибәтләрин јаранмасына ҝәтириб чыхараҹаг”, Ваагн Хачатрјан дејиб.
342/
4 mart 2022 - 20:21
Xəbər kodu: 1235896
Ермәнистан парламентиндә президент сечкиләри илә бағлы сәсвермәнин икинҹи туру кечирилиб вә јени президент сечилиб.
