АБНА24 Хәбәр Верир , президент Илһам Әлијев Москваја рәсми сәфәри заманы Русија КИВ-ләринин баш редакторлары илә ҝөрүшүб, онларын суалларыны ҹавабландырыб. Суаллардан бири дә Гарабағда вәзијјәтин мүәјјән гәдәр низамланмасы нәзәрә алараг Азәрбајҹанын КТМТ-јә, Шанхај Әмәкдашлыг Тәшкилатына тәрәф мејл етмәсинин нә дәрәҹәдә мүмкүнлүјү һагда олуб.
Илһам Әлијев ҹаваб олараг дејиб: “Шанхај Әмәкдашлыг Тәшкилаты илә мүәјјән мәнада артыг фәалијјәтә башламышыг. Артыг нечә илдир ки, биз диалог үзрә тәрәфдашыг. Бу, биринҹи пилләдир. Икинҹи пиллә - мүшаһидәчиләрдир. Биз бир нечә ил бундан әввәл өз статусумузу мүшаһидәчи статусуна гәдәр јүксәлтмәк үчүн Шанхај Әмәкдашлыг Тәшкилатынын Катиблијинә рәсмән мүраҹиәт етмишик. Тәәссүф ки, бу мәсәлә индијә гәдәр һәлл едилмәјиб Вә бизә мәлум олмајан сәбәбләрә ҝөрә, бу мәсәлә индијә гәдәр баш тутмур.”
КТМТ-јә ҝәинҹә Азәрбајҹанын дөвләт башчысы билдириб: “Коллектив Тәһлүкәсизлик Мүгавиләси Тәшкилатында апарыҹы рол Русијаја мәхсусдур. Бу, јахын вахтларда МДБ мәканында нүмајиш етдирилди вә һәтта Газахыстан һадисәләриндән әввәл дә һамыја ајдын иди. Русија Федерасијасы илә мүттәфиглик мүнасибәтләри, һабелә 43 бәнддән 2-си – 6-ҹы вә 16-ҹы бәндләр, - зәрури һалларда һәрби јардым ҝөстәрилмәси илә бағлы мәсәләләрә бирбаша дәлаләт едир. Мәним фикримҹә бу, тамамилә кифајәтдир. Ахы ајдындыр ки, КТМТ-ни КТМТ едән Русијанын орада олмасыдыр. Әҝәр Русија КТМТ-дә олмаса, КТМТ һеч кәсин јадына дүшмәз. Һәр шеј бундан ирәли ҝәлир. Русија илә Азәрбајҹан арасында һәрби-сијаси әмәкдашлығын сәвијјәсинин артырылмасы истигамәтиндә бир аддым артыг атылыб.”
342/
25 fevral 2022 - 09:42
Xəbər kodu: 1233172
Азәрбајҹан Республикасынын президенти Русија илә стратежи мүттәфиглик һагда имзаланымыш сәнәдин Бакы үчүн кифајәт етдијини вә КТМТ-јә гошулмаға еһтијаҹ дујмадығыны вурғулајыб.
