АБНА24 : Һүсејн Әмир-Абдуллаһијан иранлы дипломатларын Вјанада јахшы разылашма әлдә етмәк үчүн ҹиддиликлә чалышдыгларыны вурғулајыб.
“Нијә биз Иран Ислам Республикасына аид олан һиссәјә никбин јанашырыг? Чүнки ҹәнаб Рәиси һөкумәтинин Вјанада јахшы разылашма әлдә етмәк үчүн ҹидди ирадәси вар”, - дејә назир билдириб.
Мүнһен Тәһлүкәсизлик Конфрансында иштирак етмәк үчүн Алманијаја сәфәр едән Иранын хариҹи ишләр назири һәмчинин АБШ-ын ҸНН каналы илә мүсаһибәдә бунлары дејиб: “Биз јахшы разылыға ҝәлмәк үчүн кечмишдә чох сәј ҝөстәрмишик, бу һәссас анларда вә Вјана данышыгларынын һәссас шәртләриндә АБШ вә Гәрб реалист олмасалар, шүбһәсиз ки, онлар данышыгларын мүмкүн уғурсузлуғуна ҝөрә мәсулијјәт дашыјаҹаглар.
Хатырладаг ки, Иран Ислам Ингилабынын Алимәгамлы Рәһбәри февралын 17-дә Тәбриз әһалиси илә виртуал ҝөрүшүндә өлкәнин динҹ нүвә енержисинә бөјүк еһтијаҹ дујдуғуну бәјан етмишдир.
Һәзрәт Ајәтуллаһүл-үзма Хаменеи дүшмән ҹәбһәсинин Иранын нүвә технолоҝијасындан сүлһмәрамлы мәгсәдләр үчүн истифадә етдијини билдији һалда залымҹасына санксијалар тәтбиг етмәк вә Иранын ҝуја нүвә силаһына јахынлашмасы кими ҹәфәнҝ иддиалар ирәли сүрмәклә өлкәнин ҝәләҹәјинә еһтијаҹ олан елми инкишафы әнҝәлләмәјә чалышдығыны вурғулады.
Иран Ислам Республикасынын динҹ нүвә програмы дүшмән медиасынын сон илләрдә Ирана гаршы апардығы психоложи мүһарибәнин һәдәфләриндән биридир. Тәбии мәсәләдир ки, Иранын да һәр бир өлкә кими өз ҝәләҹәјини инкишаф етдирмәк вә планлашдырмаг үчүн мүхтәлиф саһәләрдә дүнја сәвијјәсиндә биликләр әлдә етмәк һүгугу вар.
Нүвә елминә саһиб олмаг вә јени енержиләрдән истифадә һәр һансы бир өлкәнин вә онун халгынын һәјатынын тәһлүкәсизлији, рифаһы вә инкишафы илә бирбаша бағлыдыр вә Иран дахили имканлары вә потенсиалына архаланараг бу истигамәтдә аддым атыр. Зира динҹ нүвә енержисинә малик олмаг мүхтәлиф сәнаје саһәләринин инкишафына бирбаша тәсир ҝөстәрир. Мәсәлән, кәнд тәсәррүфаты сәнајесиндә инсанларын әрзаг тәһлүкәсизлијини тәмин етмәк үчүн јени методларын тәтбиг едилмәсинә еһтијаҹ јараныб, еләҹә дә тибб елмләри инсанларын сағламлығыны тәмин етмәк үчүн һазырда нүвә елминдән фајдаланмаға үз тутуб.
Шүбһә јохдур ки, нүвә енержисинин бүтүн аспектләринә наил олмаг өлкәнин ҝәләҹәк тәрәггисинә зәманәт верир вә әлавә олараг мүасир дөврдә гүдрәтли дөвләт олмағын мүһүм тәркиб һиссәләриндән биринә чеврилибдир.
Нүвә енержисинә саһиб олмағын ваҹиблијини нәзәрә алараг, Иран дәфәләрлә нүвә силаһына ҹан атмадығыны вурғулајыб, бунунла белә Вјана данышыгларынын ҝетдији бу ҝүнләрдә бәзи тәрәфләр Иранын нүвә биликләринин инкишафыны мәһдудлашдырмаға чалышырлар.
Белә бир шәраитдә сүлһмәрамлы нүвә наилијјәтләринин горунуб сахланмасы бу ҝүн Иранын гырмызы хәтти елан едилиб вә билдириб ки, јекун анлашманын әлдә олунмасы гәрбли тәрәфин мәсулијјәтли рәфтарындан асылыдыр.
342/
20 fevral 2022 - 08:46
Xəbər kodu: 1231403
Иран Ислам Республикасынын хариҹи ишләр назири Вјана данышыгларынын мүмкүн уғурсузлуғуна ҝөрә АБШ вә Гәрби ҝүнаһландырыб.
