Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Азәрбајҹанда “Бајрактар ТБ2” дронларынын вә пилотсуз учуш апаратларынын истисмарындан, онлара техники хидмәтдән башга бу гурғуларын истеһсалы үчүн лазым олаҹаг јүксәк технолоҝијаны инкишаф етдирмәк, сүни интеллектин тәтбигини ҝенишләндирмәк мәгсәди илә мүәссисә гурмағы һәдәфләјирик”.
Буну журналистләрә ачыгламасында Түркијәнин “Бајкар” ширкәтинин техники директору Сәлҹуг Бајрактар дејиб.
С.Бајрактар бу ишдә Азәрбајҹанда ики дөвләт гуруму илә әмәкдашлыг етдикләрини дә ачыглајыб:
“Рәгәмсал Инкишаф вә Нәглијјат Назирлији илә “АСАН хидмәт”ин бирҝә гурдуғу технопаркда фәалијјәт ҝөстәрмәк һәдәфимиз вар. Иншаллаһ, ән тез бир заманда о да һәјата кечәҹәк. Бунунла јанашы, технолоҝија илә бағлы тәшәббүсләрә менторлуг вә дәстәк верәҹәк гурумлар да јаратмағы һәдәф кими гојмушуг. Түркијә Технолоҝија Фонду олараг “АСАН хидмәт”лә бирликдә Азәрбајҹанын илк ДНТ Мәркәзини дә ачаҹағыг. Онун јахынлығында исә Елм Мәркәзини ачмағы һәдәфләјирик”.
P.S: Гејд едәк ки, бир мүддәт өнҹә Сәлҹуг Бајрактар твиттер сәһифәсиндә Гарабағы Түркијә торпаглары кими гәләмә вермишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
