Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Чин һесаб едир ки, НАТО-нун ҝенишләнмәси глобал тәһлүкәсизлик вә сабитлијә көмәк етмир.
Бу барәдә Чинин Авропа Иттифагындакы нүмајәндәлијинин рәсми сајтында дәрҹ едилмиш бәјанатында гејд едилир:
“Сојуг мүһарибәнин баша чатмасындан 30 ил сонра НАТО өз ҹоғрафијасыны вә әмәлијјат даирәсини, блок сијасәтини вә үмумиликдә гаршыдурманы ҝенишләндирмәјә давам едир. Бу, глобал тәһлүкәсизлик вә сабитлијә көмәк етмир”.
Чин тәрәфи вурғулајыр ки, реҝионал тәһлүкәсизлији һәрби блоклары ҝүҹләндирмәклә вә ја ҝенишләндирмәклә тәмин етмәк олмаз.
“Биз НАТО-ну сојуг мүһарибә зеһнијјәтиндән вә идеоложи гәрәздән әл чәкмәјә, диҝәр өлкәләрин суверенлији, тәһлүкәсизлији, мараглары, һәмчинин сивилизасија, тарих вә мәдәнијјәтинин мүхтәлифлијинә һөрмәт етмәјә чағырырыг”, - дејә мәтндә билдирилир.
Бундан әввәл бејнәлхалг мүнасибәтләрә даир бирҝә бәјанатда Москва вә Пекин НАТО-нун даһа да ҝенишләнмәсинә гаршы чыхыб вә алјансы сојуг мүһарибә дөврүнүн јанашмаларындан әл чәкмәјә чағырыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
