Канада ҝәрҝинликдә: Оттавада “үмуммилли үсјан” / Фөвгәладә вәзијјәт елан едилди

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јанварын 29-да Канаданын пајтахты Оттавада башлајан вә һәлә дә давам едән пејвәнд әлејһинә јүк машынлары сүрүҹүләринин тәтили “үмуммилли үсјан” кими гијмәтләндирилиб.

Анадолу хәбәр аҝентлијинин мәлуматына ҝөрә, пајтахтдакы вәзијјәти мүзакирә етмәк үчүн топланан Оттава Полис Идарәси һадисәләри “үмуммилли үсјан”, Оттаваны исә бу гијамын ортасында галан “мүһасирәдә олан шәһәр” кими характеризә едиб.

“Биз бу ишғалын сәккизинҹи ҝүнүндәјик. Шәһәримиз мүһасирәјә алыныб. Бу груп һөкумәтин бүтүн сәвијјәләриндә санксијаларын олмамасы илә ҹәсарәтләнир. Бу груп демократијамыз үчүн тәһлүкәдир. Ҝөрдүкләримиз Оттава шәһәр проблеминдән даһа бөјүкдүр. Бу үмуммилли үсјандыр. Бу дәлиликдир. Буна сон гојмаг үчүн конкрет плана еһтијаҹымыз вар”, - дејә Оттава Полис Шурасынын сәдри Диане Динс ачыгламасында дејиб.

Оттава мери Ҹим Ватсон шәһәр мәркәзини “нәзарәтдән кәнар” адландырыб вә фөвгәладә вәзијјәт елан едиб.

О, ачыгламасында билдириб ки, нүмајишчиләрин нәзарәти әлә кечирдикләри ајдындыр: "Һазырда вәзијјәт тамамилә нәзарәтдән чыхыб. Онлар биздән гат-гат артыгдырлар”.

Оттава полиси һәмчинин фөвгәладә вәзијјәт режиминә архаланараг "нүмајишчиләрә мадди дәстәк вермәјә чалышан һәр кәсин һәбс олуна биләҹәјини” бәјан едиб вә иҹтимаијјәти шәһәрин мәркәзиндә етиразчылара јанаҹаг вә ләвазимат вермәмәләри барәдә хәбәрдарлыг едиб.

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!