АБНА24 Хәбәр Верир, Ермәнистанын Азатутјун портал јазыр ки, јени јолун тикилмәси барәдә мәлуматы Шуша рајонунун Бөјүк Галадәрәси кәнди әтрафындакы ермәни иҹмаларынын рәһбәрләри верибләр.
Азатујун билдирир ки, бу, јерли ермәниләр үчүн чох ағрылы мөвзудур: “Биринҹиси, бу о демәкдир ки, Азәрбајҹан тәрәфи Лачыны азәрбајҹанлы шәһәри етмәјә тәләсир. Һазырда Дағлыг Гарабағдан Ермәнистана ҝедән јеҝанә јол бу шәһәрдән кечир. 9 нојабр 2020-ҹи ил үчтәрәфли бәјанатына ҝөрә үч ил әрзиндә Лачын дәһлизи бојунҹа јени маршрутун лајиһәси тәсдиг олунмалыдыр”.
Азатутјунун јаздығына ҝөрә һәмин јолда да Русија сүлһмәрамлылары јерләшдирилмәлидир.
Хатырладаг ки, үчтәрәфли бәјанатын имзаланмасындан бир ајдан да аз вахт кечәндә Азәрбајҹан президенти Илһам Әлијев артыг Лачын дәһлизини әвәз едәҹәк јолун чәкиләҹәјини бәјан етмишди: “Дағлыг Гарабағы Ермәнистанла бирләшдирән јени бир дәһлизин маршруту ишләниләҹәк вә инша едиләҹәк. Бурада вахт да ҝөстәрилиб - 3 ил әрзиндә. Анҹаг мән һесаб едирәм ки, биз буну даһа тез мүддәтдә едә биләрик. Јени дәһлизин параметрләри мүәјјән олунандан сонра Лачын шәһәри дә бизә гајтарылаҹагдыр”.
Азатутјун јазыр ки, Азәрбајҹан һәләки һазырда тикилән јолун Лачын дәһлизинә алтернатив јол олмасы барәдә рәсми ачыглама вермәјиб.
Русија ХИН-нин нүмајәндәси Марија Захарова да бу суала ҹаваб вермәјиб. О дејиб ки, һазырда онун тикилән һәр һансы јол барәдә мәлуматы јохдур.
342/
6 fevral 2022 - 19:07
Xəbər kodu: 1226734
Гарабағдан Ермәнистана јол чәкилир. Азәрбајҹан һазырда тикилән јолун Лачын дәһлизинә алтернатив јол олмасы барәдә рәсми ачыглама вермир
