АБНА24 Хәбәр Верир, Коллектив Тәһлүкәсизлик Мүгавиләси Тәшкилатынын (КТМТ) баш катиби Станислав Зас билдириб ки, Газахыстанда јени иғтишашларын јаранмасы чәтин ки, мүмкүн олсун.
"Мән һесаб етмирәм ки, реванш вә ја һадисәләрин јенидән гызышмасы тәһлүкәси вар. Демәк олар, әминәм ки, бу мүмкүн дејил, чүнки биринҹиси, вәзијјәт нәзарәтә ҝөтүрүлүб. Икинҹиси, һазырда бүтөв мәнзәрәнин үзә чыхмасы, бүтүн иштиракчыларын мүәјјәнләшдирилмәси үчүн бөјүк ишләр ҝөрүлүр. Буна ујғун олараг Газахыстан Республикасынын гануну чәрчивәсиндә тәдбирләр ҝөрүләҹәк. Вә әлбәттә ки, һәр кәс бу вәзијјәтдән өзү үчүн нәтиҹә чыхарыб - тәкҹә газах халгы дејил, һәм дә өлкә рәһбәрлији", - дејә КТМТ рәһбәри билдириб.
Хатырладаг ки, Газахыстан президенти Касым-Жомарт Токајев јанварын 5-дә өлкәдә маје газын гијмәтинин ики дәфә артырылмасына етиразлар фонунда иғтишашлар башлајандан сонра көмәк үчүн КТМТ-јә мүраҹиәт едиб.
КТМТ-нин Коллектив Тәһлүкәсизлик Шурасы өлкәдә вәзијјәти нормаллашдырмаг үчүн Газахыстана коллектив сүлһмәрамлы гүввәләрин ҝөндәрилмәси барәдә гәрар гәбул едиб.
Әмәлијјатда Русија, Беларус, Ермәнистан, Гырғызыстан вә Таҹикистанын һәрбчиләри иштирак едиб. Стратежи әһәмијјәтли објектләрин мүһафизәси онлара һәвалә едилиб. Өтәм ҹүмә ахшамы, јанварын 13-дә миссијанын баша чатдығы елан едилиб.
342/
17 yanvar 2022 - 13:18
Xəbər kodu: 1219878
КТМТ-нин баш катиби Газахыстанда вәзијјәтин јенидән кәскинләшмәси еһтималыны дәјәрләндирди.
