АБНА24 Хәбәр Верир, Мүсават Партијасынын башганы Ариф Һаҹылы АзадлыгРадиосуна билдириб ки, Газахыстанда әһали коррупсијаја, авторитар идарәчилијә гаршы өз етираз сәсини галдырыб.
Онун сөзләринә ҝөрә Азәрбајҹанда да һакимијјәтин сечки јолу илә заман-заман дәјишдирилмәси просеси баш вермир, өлкәдә авторитат идарәчилик системи вар.
"Ејни заманда әһали сосиал бахымдан чох ҹидди чәтинликләрлә үзләшир.”- дејән Партија башганынын фикринҹә, белә олан һалда Азәрбајҹанла Газахыстан арасында охшар ҹәһәтләр чохдур.
"Газахыстан һадисәләри тәсдиг едир ки, һансы дөвләтдә һакимијјәт халгын ирадәсилә һесаблашмырса, ҝеҹ ја тез бу типли һадисәләр баш верир.” Дејә Ариф Һаҹылы билдириб.
Јени Азәрбајҹан Партијасынын Тәфтиш Комиссијасынын үзвү, Милли Мәҹлисин депутаты Елман Нәсиров исә Газахыстанда баш верән просесләри гијмәтләндирәркән билдириб ки, Азәрбајҹанда бу һадисәләр баш верә билмәз она ҝөрә ки, Азәрбајҹанда белә експеримәнтләр үчүн һеч бир шәраит јохдур вә Азәрбајҹанда иҹтимаи-сијаси сабитлик һөкм сүрүр.
Азәрбајҹан Халг Ҹәбһәси Партијасынын сәдр мүавини Сејмур Һәзи исә һесаб едир ки, Азәрбајҹанда Газахыстандакы һадисәләрин тәкрарланыб тәкрарланмајаҹағы Азәрбајҹан һөкүмәтиндән асылыдыр. "Онлар да Газахыстан режими кими Азәрбајҹан халгыны сыхсалар Азәрбајҹан халгы гәзәбләнә биләр.”
342/
7 yanvar 2022 - 09:13
Xəbər kodu: 1216437
Газахыстанда сүрәтлә баш верән етиразлар вә јаранмыш сијаси ҝәрҝинлик Азәрбајҹан Республикасы сијасәтчиләри еләҹә дә үмуми фикри тәрәфиндән ҹидди мүзакирәләрә сәбәб олуб. Инсанлар Газахыстанла Азәрбајҹан арасында мүгајисә апарырлар.
