АБНА24 Хәбәр Верир, Иран мүдафиә назирлијинин космонавтика мәсәләләри үзрә сөзчүсү Сејид Әһмәд Һүсејни бу һагда белә дејиб: Иранын јерли космонавтика баҹарығына наил олмасындан вә Сәфир вә Гасид пејк дашыјыҹылары илә кичик пејкләр бурахмаг габилијјәтинин јаранмасындан сонра даһа јүксәк габилијјәтли бурахыҹыларын инкишаф етдирилмәси нәзәрдә тутулду вә «Симург» сүни пејк дашыјыҹысы өлкәнин комос сәнајесинин програмында јер алды.
Һүсејни «Симург» сүни пејк дашыјыҹысынын фәалијјәти барәдә белә дејиб: Бу бурахылышда космодромун деталларынын фәалијјәти вә пејкин бурахылмасы етаплары дүзҝүн сурәтдә һәјата кечирилди вә сонда бу бурахылышда нәзәрдә тутулан арашдырма һәдәфләри реаллашды.
О, гејд едиб ки, бу космик арашдырма тапшырығында илк дәфә олараг, үч арашдырма јүкү ејни вахтда 470 километрлик јүксәклијә вә санијәдә 7350 метр сүрәтлә бурахылды вә һәјата кечди.
Иранын «Симург» сүни пејк дашыјыҹысы 250 килограмадәк олан пејкләри јерин 500 километрлик орбитиндә јерләшдирмәк гүдрәтинә маликдир.
342/
30 dekabr 2021 - 15:09
Xəbər kodu: 1213873
«Симург» сүни пејк дашыјыҹысы үч тәдгигат јүкүнү уғурла космоса ҝөндәриб.
