Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Испанијанын Таррагона шәһәриндә атышма баш вериб.
Мәлумата ҝөрә, тәһлүкәсизлик ширкәтинин кечмиш әмәкдашы олдуғу ҝүман едилән бир шәхс ширкәтин Таррагонадакы офисинә ҝәләрәк бир нечә дәфә атәш ачыб.
Инсидент нәтиҹәсиндә үч нәфәр јараланыб ки, онлардан биринин вәзијјәти критик, ики нәфәрин вәзијјәти исә ағыр олараг гијмәтләндирилир.
Даһа сонра намәлум шәхс һадисә јериндән гачыб. Јолда ҹинајәткары сахламаға ҹәһд едәркән даһа бир полис әмәкдашы јараланыб.
Сонда ҹинајәткар Риудомсда әлә кечиб. Әмәлијјат заманы онун ајағындан јараландығы билдирилиб.
Илкин мәлумата ҝөрә, силаһлы шәхс психи проблемләрдән әзијјәт чәкир.
Диггәт: Хәбәрдән Истифадә Етдикдә Мәнбәјә Истинад Лазымдыр!
