АБНА24 Хәбәр Верир, Мустафа Әлказими дүнән ҝеҹә дејиб ки, гаршыдакы бир нечә ҝүн әрзиндә АБШ-ын бүтүн һәрби гүввәләри бу өлкә илә стратежи бир разылашма чәрчивәсиндә Ирагдан чыхаҹаглар.
Әлказими вурғулајыб ки, америкалы гүввәләрин Ирагдакы ролу, һәрби мәсләһәт саһәсиндә олаҹаг вә америкалы һәрбчиләрин чыхышы Ирагын тәһлүкәсизлији вә сабитлијинин бүтүн ираглы гүввәләр тәрәфиндән горунмасы габилијјәтини ҝөстәрир.
Белә бир һалда, АБШ-ын Бағдаддакы сәфири Метју Туллер Әлказими илә ҝөрүшдә Ирагын реҝионун тәһлүкәсизлији вә стабиллијинин ҝүҹләндирилмәсиндәки ролуна тәкидлә Ирагын баш назири илә американ коалисија гүввәләринин Ирагдакы һәрби ролунун битмәсиндә әлдә олунмуш ирәлиләјишләри арашдырыб.
Бағдад вә Вашингтон ијулун 26-да Американын һәрби гүввәләринин ҹари милад илинин сонунадәк Ирагдан чыхмалары вә ираглы гүввәләрә тәлимләр кечмәк вә мәсләһәтләр вермәк үчүн мүәјјән сајда америкалы гүввәнин Ирагда галмасы һагда разылыға ҝәлдиләр.
Америкалы гүввәләр 2014-ҹү илдә Ирага дахил олдулар. Америка анти-ИШИД адлы бејнәлхалг коалисија иддиасы илә 2500 нәфәри америкалы олан үч мин гүввә илә Ирага ҝирди.
Бағдадын ИШИД үзәриндә гәләбәни елан етмәсиндән сонра Ирагын халгы вә һөкумәти хариҹи һәрбчиләрин бу өлкәдән чыхмалары зәрурәтинә тәкид етдиләр.
342/
12 dekabr 2021 - 11:35
Xəbər kodu: 1207821
Ирагын баш назири америкалы һәрбчиләрин јахын ҝәләҹәкдә бу өлкәдән чыхаҹагларындан хәбәр вериб.
