Реҝионал коммуникасијаларын ачылмасына даир разылашма үч өлкә лидеринин нојабрын 26-да Сочидә кечирилән ҝөрүшүнүн јекунлары үзрә елан едилиб. Бу разылашма Москвада сәнәд шәклиндә рәсмиләшдирилмәли иди, лакин бу баш вермәди.
АБНА24 Хәбәр Верир, ермәни тәрәфи һәмчинин јахын вахтларда ејни сәвијјәдә даһа бир ҝөрүшүн баш тутаҹағыны ачыглајыб. Бакы исә декабрын 1-дә Москвада кечирилән ҝөрүшүн нәтиҹәләрини шәрһ етмәјиб.
Бу арада Ермәнистан Тәһлүкәсизлик Шурасынын рәһбәри фактики олараг Бакыны Москва ҝөрүшүнү позмагда иттиһам едиб.
“Биз јоллары ачмаға һазырыг, Совет Иттифагы дөврүндә мөвҹуд олан инфраструктурун бәрпасыны мүзакирә етмәјә һазырыг. Биз Азәрбајҹанын әразисиндән башга өлкәләрлә әлагә үчүн истифадә едә биләрик, еләҹә дә Азәрбајҹан Нахчыванла әлагә јаратмаг имканы әлдә етсин”, - Григорјан билдириб.
Белә олан һалда нијә тәрәфләр разылыға ҝәлмәди суалына, Григорјан ачыг шәкилдә билдирди ки, Азәрбајҹан мүгавиләјә “дәһлиз” мәсәләсини дахил етмәјә чалышыр ки, бу да Ермәнистан үчүн гәбуледилмәздир.
“Һесаб едирәм ки, Азәрбајҹан Сочидә әлдә олунмуш разылашмаларын тәшвигинә имкан верәҹәк елә бир сијаси ирадә нүмајиш етдирә билмәз”.
342/
4 dekabr 2021 - 15:05
Xəbər kodu: 1205161
Үчтәрәфли ишчи групун декабрын 1-дә Москвада кечирилән иҹласында разылашмалары формалашдырмаг мүмкүн олмајыб. Буну декабрын 2-дә “Азадлыг” радиосуна Ермәнистан Тәһлүкәсизлик Шурасынын рәһбәри Армен Григорјан Русија, Азәрбајҹан вә Ермәнистан баш назирләринин мүавинләринин ҝөрүшүнү шәрһ едәркән дејиб.
