АБНА24 Хәбәр Верир,Серҝеј Лавров Түрк Өлкәләри Тәшкилатынын јарадылмасыны мүсбәт гијмәтләндирәрәк дејиб: “Бизим түрк ортагларымыз әввәлҹә түрк өлкәләринин әмәкдашлығыны, инди исә тәшкилатыны јаратдылар. Биз буна чох јахшы јанашырыг. Әҝәр сөһбәт мәдәни тәшкилатчылыгдан, дил бирлијинә дәстәкдән, һуманитар јардымдан, тәһсил әмәкдашлығындан ҝедирсә, бурда пис һеч нә ҝөрмүрәм.”
Русија хариҹи ишләр назири бу тәшкилатын һәрби әмәкдашлыг истигамәтинә јөнәлдилмәси барәдә ҝедән сөз-сөһбәтләри исә долајысы илә гәбуледилмәз адландырыб: “сөһбәт бәзи тәсдиг олунмамыш, лакин данышылан һәрби бирликләрин јарадылмасындан ҝедирсә, бу, ишләрин хејринә олмајаҹаг. Бу нә Түркијәнин, нә дә тәшкилата үзв олан түркдилли өлкәләрин хејринә олаҹаг.”
Русија хариҹи ишләр назири бу мөвзунун Русија вә Түркијә президентләри тәрәфиндән мүзакирә едиләҹәјини билдириб: “Президентләр бу барәдә зәнҝләшәҹәк. Мән дә сабаһ Стокһолмда кечириләҹәк АТӘТ-ин саммитиндә һәмкарым Мөвлуд Чавушоғлу илә бу суаллары ачыг шәкилдә мүзакирә едәҹәм”, - дејә русијалы дипломат билдириб.
С.Лавров гејд едиб ки, дүрүст шәкилдә проблеми билдириб ајдынлыг ҝәтирмәк лазымдыр:“Мараг балансларыны горумаг үчүн мүзакирә едиб ајдынлыг ҝәтирмәлијик”.
342/
2 dekabr 2021 - 04:44
Xəbər kodu: 1204298
Русија хариҹи ишләр назири Серҝеј Лавров МҺП лидери Дөвләт Бахчалынын Түркијә Президенти Рәҹәб Тајјиб Әрдоғана тәгдим етдији түрк дүнјасынын хәритәсиндә Русија әразисинин ҝөстәрилмәси барәдә суалы ҹавабландырыб.
