АБНА24 Хәбәр Верир, Мөһсүн Пакајин бу барәдә дејиб: “Иранла Азәрбајҹан арасында әмәкдашлыг реҝионда сүлһ вә сабитлијин ҝүҹләнмәсинә јардым едә биләр”.
Сабиг сәфирин сөзләринә ҝөрә, Азәрбајҹан баш назиринин мүавини Шаһин Мустафајевин Теһрана сон сәфәри гоншу өлкәләр арасында әлагәләрин мөһкәмләнмәси истигамәтиндә өнәмли рол ојнајыр: “Ики өлкә арасында мөвҹуд олан бәзи фикир ајрылыгларынын ардынҹа бу сәфәрин баш тутмасы Иранын һазыркы һөкумәтинин гоншу вә дост өлкә илә мүнасибәтләри горујуб сахламагда ҹидди ирадәсинин, диҝәр тәрәфдән Азәрбајҹанын Иран Ислам Республикасы илә јахшы мүнасибәтләри ҝүҹләндирмәкдә гәрарлы олдуғунун ҝөстәриҹисидир”.
О гејд едиб ки, һәр ики өлкә достлуг мүнасибәтини мүсбәт вә конструктив мәҹрада давам етдирмәкдә гәрарлыдыр: “Һәгигәт будур ки, Иранла Азәрбајҹан арасында мүштәрәк игтисади әмәкдашлығын давам етдирилмәси реҝионда сүлһ вә сабитлијин ҝүҹләнмәсинә јардым едә биләр”.
М. Пакајин вурғулајыб ки, Шаһин Мустафајевин сон сәфәриндә Иран вә Азәрбајҹан арасында Рәшт-Астара дәмир јолунун тикинтиси, ҝөмрүкдәки манеәләрин арадан галдырылмасы, тиҹарәт мүбадиләсинин артырылмасы үчүн тарифләрин азалдылмасы, туризмин инкишафы, Хәзәрдә мүштәрәк нефт јатагларынын ишләнмәси үчүн чыхыш јолунун тапылмасы вә нәһајәт Азәрбајҹанын ишғалдан азад олмуш әразисинин јенидән гурулмасында әмәкдашлыг саһәләри мүзакирә олунуб.
342/
27 noyabr 2021 - 07:58
Xəbər kodu: 1202590
Иранын Бакыдакы сабиг сәфири билдириб ки, Теһран Азәрбајҹанла гаршылыглы әмәкдашлығы ҝүҹләндирмәкдә гәтијјәтлидир.
