АБНА24 Хәбәр Верир, Ҝөрүшдә Иран Ислам Республикасынын хариҹи ишләр назири Азәрбајҹанла тиҹарәт әлагәләринин инкишаф просесиндән вә ики халг арасында дәрин әлагәләрдән мәмнунлуғуну ифадә едәрәк, билдириб ки, Азәрбајҹан торпагларынын ишғалдан азад едилмәси ики өлкә арасында игтисади әлагәләрдә јени сәһифә ачаҹаг вә һәр ики тәрәф тиҹарәт, нәглијјат, енержи вә туризм саһәсиндә мөвҹуд олан игтисади потенсиаллардан истифадә етмәлидир.
Әмир Абдуллаһијан Иранын имканларына тохунараг, Иран ширкәтләринин јени азад едилмиш әразиләрин јенидән гурулмасында иштирак етмәјә һазыр олдуғуну билдириб. Дипломат Азәрбајҹан вә Иранын пејвәндләмә просесиндә уғурлу аддымлар атдығыны билдирәрәк ики өлкә арасында вәтәндашларын ҝедиш-ҝәлиши вә тәјјарә рејсләринин бәрпасынын зәрурәтини вурғулајыб.
Әмирабдуллаһијан Иран Ислам Республикасынын даима өлкәләрин әрази бүтөвлүјүнү дәстәкләдијини билдириб вә бөлҝәдә бејнәлхалг сәрһәдләрин дәјишилмәз олдуғуну гејд едиб.
Азәрбајҹан Республикасы баш назиринин мүавини дә бу ҝөрүшдә, Иранын нефт, јол вә шәһәрсалма назирләри илә кечирдији конструктив ҝөрүшләрдән мәмнунлуғуну ифадә едиб вә јахын вахтларда ики өлкә арасында нефт, газ вә нәглијјат саһәсиндә анлашма меморандуму имзаланаҹағыны билдириб.
Шаһин Мустафајев, һәмчинин Иран вә Азәрбајҹанын хариҹи ишләр назирләринин сон ҝәрҝинлијин арадан галдырылмасында конструктив ролуну вурғулајараг, ҝәлән илин әввәлиндә ики өлкә арасында игтисади әмәкдашлыг үзрә мүштәрәк комиссијанын иҹласынын кечириләҹәјини ачыглајыб.
Бу ҝөрүш заманы тәрәфләр һәмчинин Игтисади Әмәкдашлыг Тәшкилаты ИӘТ саммити вә араларындакы сазишләрин сәнәдләри илә бағлы мәсләһәтләшмәләр апарыблар.
342/
23 noyabr 2021 - 04:41
Xəbər kodu: 1201308
Азәрбајҹан Республикасы баш назиринин мүавини Шаһин Мутафајев дүнән ахшам Теһранда Иран Ислам Республикасынын хариҹи ишләр назири Һүсејн Әмир Абдуллаһијан илә ҝөрүшүб; Ҝөрүшдә Гафгаз реҝионунда баш верән сон һадисәләр вә икитәрәфли әмәкдашлыг мүзакирә олунуб.
