АБНА24 Хәбәр Верир,Сәид Хәтибзадә кечирдији мәтбуат конфрансында АБШ-ын Иранла Бағдадда икитәрәфли данышыглара даир ҝизли тәклиф илә бағлы бәзи гәрб медиаларынын иддиасы һаггында дејиб: "Узун мүддәтдир ки, Иран вә АБШ арасында һеч бир диалог олмајыб".
"Бизим бу һагда мөвгејимиз тамамилә ајдындыр. АБШ БМТ Тәһлүкәсизлик Шурасынын 2231 сајлы гәтнамәсини позан вә нүвә анлашмасындан биртәрәфли вә ганунсуз гајдада чыхан тәрәфдир ки, нүвә анлашмасыны мәһв етмәк үчүн һәр ҹүр сәј ҝөстәрди вә Иран халгына гаршы ганунсуз вә амансыз санксијалар тәтбиг етди. Бу реаллыглар вә шәртләр дәјишмәјинҹә, Иранла Америка арасында һәр һансы бир форматда тәмас гурула билмәз", -дејә Хәтибзадә әлавә едиб.
Иранын дипломатија апаратынын сөзчүсү вурғулајыб ки, Авропа Иттифагы пассивликдән чыхмалы вә фәал актјора чеврилмәлидир.
Хәтибзадә созләринин давамында дејиб: "Иран әсл Ислами инанҹларына вә Али Мәгамлы Рәһбәрин Фәтвасына әсасән, һеч вахт күтләви гырғын силаһлары истеһсал етмәјә чалышмајыб вә бунун бизим мүдафиә доктринамызда јери јохдур".
Иранын Хариҹи Ишләр Назирлијинин сөзчүсү һәмчинин, Ҹәнуби Кореја һөкумәтинин Иранын блокланмыш пулларыны гајтармаг үчүн һәрәкәтә кечмәсинин ваҹиблијини вурғулајыб вә дејиб: "Ҹәнуби Корејада блокланмыш вәсаитләримизи ҝери гајтарылмалыдыр. Әлбәттә, бу истигамәтдә сәјләр ҝөстәрилиб, лакин кифајәт дејил".
342/
2 noyabr 2021 - 19:52
Xəbər kodu: 1194823
Иранын Хариҹи Ишләр Назирлијинин мәтбуат катиби Иран Ислам Республикасы илә АБШ арасында һәр һансы бир форматда әлагә вә тәмасын олмадығыны вурғулајыб.
