АБНА24 Хәбәр Верир,бу сөзләри Русија ХИН рәһбәри Серҝеј Лавров Иранын нүвә разылашмасы илә бағлы нојабрын сонуна Вјанада кечирилмәси нәзәрдә тутулан мүзакирәләр һагда дејиб.
О билдириб ки, нүвә разылашмасынын јениләнмәсиндә һәр тәрәф мараглы ҝөрүнүр:
"Анҹаг разылашма 2015-ҹи илдә БМТ ТШ тәрәфиндән неҹә тәсдиг едилибсә, о ҹүр дә јениләнмәлидир. Истәнилән әлавә, истәнилән әксилтмә Иран үчүн гәбуледилмәздир. Биз дә там шәкилдә бу јанашманы дәстәкләјирик".
Гејд едәк ки, Әһатәли Мүштәрәк Тәшәббүс Програмы 2015-ҹи илдә Иран илә 5+1 групу (Инҝилтәрә, Алманија, Чин, Франса, Русија вә АБШ) өлкәләри арасында имзаланды. 2018-ҹи илдә АБШ-ын о вахткы президенти Доналд Трамп биртәрәфли гајдада сазишдән чыхды вә Теһрана гаршы сәрт санксијалары бәрпа етди.
Иран да мәрһәләли шәкилдә өһдәликләрини азалтды вә нәһајәт, уранын зәнҝинләшдирилмәси сәвијјәсини кәскин артырды.
342/
2 noyabr 2021 - 12:04
Xəbər kodu: 1194675
Москва Иранла нүвә разылашмасында һәр һансы дәјишиклијин едилмәсинин гәти әлејһинәдир.
