АБНА24 Хәбәр Верир,Тапдыг Аббас бу һагда дејиб: “Дүнјада демократик инкишафа јүксәк сәвијјәдә наил олмуш, әһалисинин сајына вә тәбии сәрвәтләринә ҝөрә Азәрбајҹандан ҝери галан Норвеч, Исвеч вә Финландија дөвләтләринин тәҹрүбәси тәсдиг едир ки, дөвләт органларында вәзифә тутан мәмурлар рүшвәт, коррупсија вә диҝәр гулдурлуг әмәлләриндән узаг олдугларына ҝөрә бу өлкәләрин вәтәндашлары дүнјанын ән фираван өлкәләринин тәснифатында јүксәк јер тутурлар, дөвләт органларында кресло тутанларын башында дөвләтин бүдҹәсини вә халгы таламаг барәдә план, програм, нә дә бу барәдә дүшүнҹә јохдур.”
Азәрбајҹанда вәзифәјә там фәргли дүшүнҹә илә јанашмаг әнәнәсинин дәбдә олдуғуну гејд едән журналистин сөзләринә ҝөрә, вәзифә тутуб, һәмин вәзифә васитәсилә бөјүк һәҹмдә дөвләтдән вә халгдан оғурлуг вар-дөвләт јығмаг, јығдыгҹа һарынлашмаг вә даһа чох оғурламаг зеһнијјәти, барбар дүшүнҹәли мүртәҹе мәмур ирадәси өлкәдә һакимдир.
Тапдыг Аббас сонра вурғулајыр ки, мүстәгиллијинин 30 илини гејд едән Азәрбајҹанда фираванлыг анлајышыны чохдан унудулуб. Енержи истеһсалчысы олан вә енержи дашыјыҹыларынын халга јүксәк гијмәтә сатылдығы өлкәдә халгын фираванлығындан данышмаг мүмкүн олан иш дејил! Бу өлкәдә фираванлыгдан јалныз мәмурлар данышыр. Чүнки онларын фираванлыгдан ширин-ширин данышмаг үчүн әлләриндә кифајәт гәдәр фактлары вар, халгы, дөвләти таламаг, оғурламаг һесабына өзләри чох фираван јашајырлар вә буну данмырлар.
342/
1 noyabr 2021 - 05:05
Xəbər kodu: 1194236
Паралел гәзетинин баш редактору Азәрбајҹанын Скандинавија өлкәләриндән хејли ҝеридә галмасынын сәбәбләрини шәрһ едиб.
