АБНА24 Хәбәр Верир, бу јахынларда Парисә сәфәр етмиш Сәид Хәтибзадә "Франс-24" телеканалы илә мүсаһибәдә, БМТ Баш Ассамблејасында чыхыш едән сионист режимин баш назиринин Иранын нүвә програмынын мүнагишәли нөгтәјә чатдығына вә бүтүн гырмызы хәттләри кечдијинә даир иддиасы илә бағлы суалын ҹавабында дејиб: "Һамы билир ки, Исраил Ирандан данышмаг игтидарында дејил".
О, сөзләринин давамында дејиб: "Бу режим јүзләрлә нүвә башлығы үзәриндә отуруб, НПТ-нин үзвү дејил вә бу мүгавиләјә вә ја һәр һансы бир диҝәр бејнәлхалг мониторинг режиминә гошулмагдан чәкинир".
Хәтибзадә гејд едиб ки, јүзләрлә нүвә башлығы олан бу режим, нәзарәт системинә гошулмагдан имтина едән вә Јахын Шәргин нүвә силаһларындан тәмизләнмәсинә гаршы чыхан бу режимин Иран Ислам Республикасы һаггында фикир сөјләмәк һаггы јохдур, һансы ки, НПТ-нин үзвдүр, бүтүн һүгуг вә өһдәликләрини там јеринә јетирир вә нүвә енержиси саһәсиндә јеҝанә сәлаһијјәтли орган олараг, Бејнәлхалг Атом Енержиси Аҝентлијинин ардыҹыл 15 һесабаты, Ислам Республикасынын нүвә сазышынә там садиг галдығыны ҝөстәрир.
О, вурғулајыб: "Сүлһмәрамлы нүвә фәалијјәтләри бизим ајрылмаз һаггымыздыр вә сионист режим, нүвә башлыгларына саһиб бир режим олараг, Иранын динҹ мәгсәдли нүвә програмы һаггында фикир сөјләмәк игтидарында дејил".
342/
10 oktyabr 2021 - 09:09
Xəbər kodu: 1187334
Иранын Хариҹи Ишләр Назирлијинин сөзчүсү дејиб: "Сионист режим Иранын нүвә фәалијјәтиндән данышаҹаг мөвгедә дејил".
