Франса АБШ-дакы сәфирини ҝери чағырды

АБНА24 Хәбәр Верир, бу барәдә өлкәнин Хариҹи Ишләр Назирлији мәлумат јајыб.

ХИН сәфирләрин ҝери чағырылма сәбәбини АБШ вә Австралијанын ортаглыг елан етдикләри ҝүн вердији ачыгламаларла әлагәләндириб.

Гејд едәк ки, 2016 -ҹы илдә Франса вә Австралија икинҹи үчүн ән бөјүк мүдафиә сәнајеси мүгавиләси һесаб едилән разылашманы имзаламышдылар.

Мүгавиләјә әсасән Австралија өлкәнин Һәрби Дәниз Гүввәләри үчүн 12 суалты ҝәми инша етмәк мәгсәдилә Франсаја 50 милјард доллар өдәмәли иди. Лакин инди АБШ, Британија вә Австралија Чин-ә гаршы тәдбирләр чәрчивәсиндә үчүнҹүнү нүвә суалты гајыглары илә тәмин едәҹәкләрини билдирибләр.

Австралија, Инҝилтәрә вә АБШ бу мәгсәдлә 16 сентјабрда јени АУКУС тәһлүкәсизлик әмәкдашлығынын јарадылмасыны елан едибләр. Мүгавиләнин бир һиссәси олараг, Австралија 2036-ҹы илдә хидмәтә бурахылаҹаг ән азы 8 нүвә суалты ҝәмисинин һазырланмасы үчүн американ технолоҝијасындан истифадә етмәји вә силаһлы гүввәләрини АБШ-ын ганадлы ракетләри илә јенидән тәҹһиз етмәји планлашдырыр. Бу сәбәбдән Канберра Франса илә тарихиндә ән бөјүк 90 милјард долларлыглыг мүдафиә мүгавиләсини ләғв едиб вә бу гәрар франсызлар тәрәфиндән артыг "күрәкдән бычагланма" адландырылыб.

Мүшаһидәчиләр билдирирләр ки, игтисади мәнафе үстүндә Гәрбдә ҹидди һачаланма баш верир. Мәсәлән Инҝилтәрә ајрылдыгдан сонра Авропа Бирлији өзү парчаланмаға башлајыб. Полша вә Маҹарыстан кими бәзи Мәркәзи вә Шәрги Авропа өлкәләри ачыг шәкилдә Брүсселә лагејд јанашмаға башламышларр. Бу, Атлантик вә кечмиш “Дәмир Пәрдә” бојунҹа парчаланан, ҝетдикҹә даһа чох бөлүнән “Гәрб ссенариси”нә ҝәтириб чыхарыр. Һазырда исә Франса илә Австралија арасында зиддијјәт мејдана чыхараг, рәсми Парис она өз мүттәфигләри тәрәфиндән хәјанәт олундуғуну һисс едир. Лакин Макрон һөкумәти башланмыш ојуну поза билмәјәҹәк вә узагбашы Канберраны мәһкәмәјә верә биләр.

Би шеји дә унутмаг олмаз ки, Ҹәнуби Шәрги Асијада Чини ҹиловламаг Бирләшмиш Штатларын реҝионла бағлы стратеҝијасынын ана хәттини тәшкил едир. Бу сәбәбдән АБШ өз мүттәфигләрини ҝүҹләндирмәк истигамәтиндә аддымлар атыр вә Франсанын 90 милјардлыг мүгавиләси онун үчүн һеч бир әһәмијјәт кәсб етмир.

342/